સરફરાઝ ખાન

ભારતીય ક્રિકેટર સરફરાઝ ખાન સ્થાનિક ક્રિકેટમાં મુંબઈ ક્રિકેટ ટીમ અને ઈન્ડિયન પ્રીમિયર લીગ (આઈપીએલ)માં દિલ્હી કેપિટલ્સ માટે રમે છે. 2014 અને 2016માં તેણે ICC અંડર-19 ક્રિકેટ વર્લ્ડ કપમાં ભારતનું પ્રતિનિધિત્વ કર્યું હતું. તે ડોમેસ્ટિક ક્રિકેટમાં સૌથી વધુ રન બનાવનાર બેટ્સમેન છે. ક્રિકેટર સરફરાઝ ખાનનો જન્મ 27 ઓક્ટોબર 1997ના રોજ મુંબઈમાં થયો હતો. સરફરાઝના પિતા નૌશાદ ખાન પણ ક્રિકેટર રહી ચૂક્યા છે. સરફરાઝ ખાનનો ભાઈ મુશીર મુંબઈની અંડર-16 ટીમનો કેપ્ટન રહી ચૂક્યો છે. જે સપનું એક પિતા પૂર્ણ ન કરી શક્યા તે સપનું હવે તેના બાળકો પૂર્ણ કરવા જઈ રહ્યા છે, સરફરાઝ ખાને અભ્યાસ કરતા વધુ ધ્યાન ક્રિકેટ પર આપ્યું છે.

સરફરાઝ ખાનનું બાળપણ ક્રિકેટ સાથે જોડાયેલું હતું. તેના પિતા નૌશાદ ખાન પણ ક્રિકેટ રમતા હતા, પરંતુ તેઓ ક્યારેય ભારત માટે રમી શક્યા ન હતા. એટલા માટે સરફરાઝ ભારતીય ક્રિકેટ ટીમમાં રમીને તેના પિતાનું સપનું પૂરું કરવા માંગે છે. 6 ઓગસ્ટ 2023ના રોજ સરફરાઝ ખાને કાશ્મીરની રોમાના ઝહૂર સાથે લગ્ન કર્યા.