ડોનાલ્ડ ટ્રમ્પ

ડોનાલ્ડ ટ્રમ્પ અમેરિકાના બીજીવાર રાષ્ટ્રપતિ બન્યા છે. આ સિવાય તેઓ એક સફળ અમેરિકન બિઝનેસમેન પણ છે. ડોનાલ્ડ ટ્રમ્પનો જન્મ 4 જૂન, 1946ના રોજ ક્વીન્સ, ન્યૂયોર્કમાં થયો હતો. તેમના પિતા એક રિયલ એસ્ટેટ બિઝનેસમેન હતા. 13 વર્ષની ઉંમરે ટ્રમ્પ મિલિટરી સ્કૂલમાં ભણવા ગયા હતા. બાદમાં 1964માં તેમણે મિલિટરી એકેડેમીમાંથી સ્નાતક થયા.

70ના દાયકામાં જ ટ્રમ્પે ખોટમાં ચાલી રહેલી કોમોડોર હોટેલને 70 મિલિયન ડોલરમાં ખરીદી હતી અને 1980માં તેમણે ધ ગ્રાન્ડ હયાતના નામથી આ હોટેલ શરૂ કરી હતી. 1982 માં, ડોનાલ્ડ ટ્રમ્પે ન્યૂયોર્કમાં ટ્રમ્પ ટાવર બનાવ્યું, જે ન્યૂ યોર્કની પ્રખ્યાત ઇમારતોમાંથી એક છે.

1999માં ટ્રમ્પે રાજકારણમાં પણ હાથ અજમાવ્યો હતો. તેમણે રિફોર્મ પાર્ટીની રચના કરી. જો કે તે સમયે તેઓ પ્રમુખ પદ સુધી પહોંચવામાં નિષ્ફળ રહ્યા હતા. બાદમાં, તેમના તમામ વિવાદો છતાં, 19 જુલાઈ, 2016 ના રોજ, ટ્રમ્પને અમેરિકાની ગ્રાન્ડ ઓલ્ડ પાર્ટી, રિપબ્લિકન પાર્ટીના રાષ્ટ્રપતિ પદના ઉમેદવાર તરીકે પસંદ કરવામાં આવ્યા. ચૂંટણી સમયે તેમની ઉંમર 70 વર્ષની હતી. તેઓ એવા પ્રથમ રાષ્ટ્રપતિ હતા જેમની કોઈ ખાસ રાજકીય પૃષ્ઠભૂમિ ન હતી.