ટાઈગર શ્રોફ

ટાઈગર શ્રોફ બોલિવૂડ ઈન્ડસ્ટ્રીઝનો એક્ટર છે. તે ઈન્ડિયન ફિલ્મ એક્ટર, એક્શન ડાન્સર અને માર્શલ આર્ટિસ્ટ છે. ફિલ્મ ઈન્ડસ્ટ્રીઝમાં આવ્યા પછી તે લોકોના દિલ પર રાજ કરે છે. તે સારો ડાન્સર અને ખતરનાક સ્ટંટ પણ કરે છે.

ટાઇગર શ્રોફનો જન્મ જેકી શ્રોફ અને આયશા શ્રોફના ઘરે તારીખ 02 માર્ચ 1990ના રોજ થયો હતો. તેના બાળપણનું નામ જય હેમંત શ્રોફ હતું. તેને એક બહેન પણ છે તેનું નામ કૃષ્ણા શ્રોફ છે. ટાઈગરની ડેબ્યૂ ફિલ્મ હીરોપંતી છે. તેમનું પ્રાથમિક શિક્ષણ અમેરિકન સ્કૂલ ઓફ બોમ્બેમાંથી લીધું છે અને અમેઠી યુનિવર્સિટીમાંથી ગ્રેજ્યુએશન કર્યું છે. તેણે બાળપણમાં જ માર્શલ આર્ટ શીખવાનું શરૂ કર્યું હતું.

તેણે ડેબ્યૂ ફિલ્મ હીરોપંતી માટે “સ્ટારડસ્ટ સુપરસ્ટાર ઓફ ટુમોરો એવોર્ડ” મળ્યો હતો. તે બાદ તેમને “બિગ સ્ટાર એન્ટરટેઈનમેન્ટ” થી પણ સન્માનિત કરવામાં આવ્યા છે. તેણે અત્યાર સુધીમાં પોતાની કરિયરમાં હીરોપંતી, હીરોપંતી 2, બાગી, બાગી 2, બાગી 3, સ્ટુડન્ટ ઓફ ધ યર, મુન્ના માઈકલ જેવી ફિલ્મોમાં કેરેક્ટર પ્લે કર્યા છે.