સુનિલ શેટ્ટી

સુનિલ શેટ્ટીનો જન્મ 11 ઓગસ્ટ 1961ના રોજ કર્ણાટકમાં થયો છે. સુનિલ શેટ્ટી ભારતીય ફિલ્મ એક્ટર, નિર્માતા અને ઉદ્યોગપતિ છે, જે ખાસ કરીને બોલીવુડ ફિલ્મોમાં એક્ટિવ છે. તેને આ કામ કરતા 25 વર્ષથી વધુ સમય થઈ ગયો છે અને અત્યાર સુધીમાં તેણે 110 થી વધુ ફિલ્મોમાં કામ કર્યું છે. તેમાં પણ સુનિલ શેટ્ટીએ વધુમાં એક્શન અને કોમેડી ફિલ્મોમાં કામ કર્યું છે. તેમને ફિલ્મ ઈન્ડસ્ટ્રીઝ તેમજ ફેન્સ પ્રેમથી ‘અન્ના’ કહીને બોલાવે છે. તેઓ ‘ડાન્સ દિવાને’ રિયાલિટી શોમાં માધુરી દિક્ષીત સાથે કો-જ્જ રહી ચૂક્યા છે.

તેમનું નામ 5 વખત ફિલ્મફેર એવોર્ડ માટે નોમિનેટ થયું છે અને એક વખત જીત્યા પણ છે. સુનિલ શેટ્ટીએ એક્ટિંગની શરુઆત બલવાન ફિલ્મથી કરી હતી. તેમાં તેની સાથે દિવ્યા ભારતી હતી. સુનિલ શેટ્ટીની બોર્ડર ફિલ્મ, હેરા ફેરી, ધડકન જેવી મુવી અત્યારે પણ લોકોમાં પ્રિય છે. ઉમરાવ જાન, ઓમ શાંતિ ઓમ, અપના સપના મની મની, ડરના જરુરી હૈ, રક્ત, ખંજર, ક્રોધ, ઓફિસર, જંગલ, રક્ષક, દિલવાલે જેવી ફિલ્મો પણ સુનિલ શેટ્ટીએ કરી છે.

તેની પર્સનલ લાઈફની વાત કરીએ તો, સુનીલ શેટ્ટીની 2024માં ₹150 કરોડની નેટવર્થ છે. સુનિલ શેટ્ટીના પોતાના બાર, ક્લબ, રેસ્ટોરન્ટ, હોટલ અને દુકાનો છે. તેની વાર્ષિક આવક 25 કરોડ રુપિયા છે. તેણે માના શેટ્ટી સાથે મેરેજ કર્યા છે. જે બાદ આથિયા શેટ્ટીનો જન્મ 5 નવેમ્બર 1992ના રોજ થયો હતો અને અહાન શેટ્ટીનો જન્મ 15 જાન્યુઆરી 1996ના રોજ થયો હતો. આથિયા શેટ્ટીએ ઈન્ડિયન ક્રિકેટર કે એલ રાહુલ સાથે લગ્ન કર્યા છે.