કંગના રનૌત

કંગના રનૌતના ફિલ્મી કરિયરને 17 વર્ષથી વધુ સમય થઈ ગયો છે. એક્ટ્રેસે વર્ષ 2006માં ગેંગસ્ટર ફિલ્મથી બોલિવુડની દુનિયામાં ડેબ્યૂ કર્યું હતું. કંગનાએ હિન્દી ફિલ્મો સિવાય તમિલ અને તેલુગુ ફિલ્મોમાં પણ કામ કર્યું છે. પરંતુ તેનું કરિયર હિન્દી ફિલ્મોમાં સારું રહ્યું. કંગના રનૌતની પહેલી જ ફિલ્મ લોકોને ખૂબ ગમી હતી અને તેની એક્ટિંગના વખાણ થયા હતા.

કંગના રનૌતની લેટેસ્ટ ફિલ્મ ‘તેજસ’ 27 ઓક્ટોબરે જ રિલીઝ થઈ છે. આ ફિલ્મમાં કંગનાએ પહેલીવાર ફાઈટર પાઈલટનો રોલ પ્લે કર્યો છે. કંગનાની છેલ્લી કેટલીક ફિલ્મોએ બોક્સ ઓફિસ પર સારું પ્રદર્શન કર્યું નથી. 2019 પછી તેની એક પણ ફિલ્મ બોક્સ ઓફિસ પર ધૂમ મચાવી નથી. કંગનાની જજમેન્ટલ હૈ ક્યા 2019માં રિલીઝ થઈ હતી. આ ફિલ્મ જોરદાર ફ્લોપ સાબિત થઈ હતી. આ પછી પંગા, થલાઈવી અને ધાકડ જેવી ફિલ્મ પણ કંઈ ખાસ કમાલ બતાવી ન શકી.

આ પહેલા 2015માં આઈ લવ એનવાય, કટ્ટી બટ્ટી, રંગૂન અને સિમરન જેવી ફિલ્મો પણ બોક્સ ઓફિસ પર ફ્લોપ સાબિત થઈ હતી. પરંતુ 25 જાન્યુઆરી 2019 ના રોજ રિલીઝ થયેલી કંગનાની ફિલ્મ ‘મણિકર્ણિકા: ધ ક્વીન ઓફ ઝાંસી’ સારો બિઝનેસ કરવામાં સફળ રહી હતી.