ગુજરાત જાયન્ટ્સ વુમન

ગુજરાત જાયન્ટ્સ એ એક ભારતીય મહિલા ક્રિકેટ ટીમ છે, ગુજરાત સ્થિત વિમેન્સ પ્રીમિયર લીગ (WPL)માંથી ભાગ લે છે. આ ટીમ અદાણી ગ્રુપની માલિકીની છે. ટીમના કોચ માઈકલ ક્લિન્ગર છે અને બેથ મૂની ટીમની કેપ્ટન છે. ઓક્ટોબર 2022માં બીસીસીઆઈએ માર્ચ 2023માં પાંચ ટીમની મહિલા ફ્રેન્ચાઈઝી ક્રિકેટ ટુર્નામેન્ટ યોજવાની જાહેરાત કરી હતી. ટુર્નામેન્ટનું નામ જાન્યુઆરી 2023માં વિમેન્સ પ્રીમિયર લીગ રાખવામાં આવ્યું હતું, રોકાણકારોએ તે જ મહિના દરમિયાન બંધ બિડિંગ પ્રક્રિયા દ્વારા ફ્રેન્ચાઇઝીના અધિકારો ખરીદ્યા હતા. ગુજરાત જાયન્ટ્સ કબડ્ડી ટીમના માલિક અદાણી ગ્રૂપે એક ફ્રેન્ચાઈઝીના અધિકારો ખરીદ્યા હતા.

30 જાન્યુઆરી 2023ના રોજ, મિતાલી રાજ ગુજરાત જાયન્ટ્સમાં મેન્ટર તરીકે જોડાઈ. ફેબ્રુઆરી 2023માં રાચેલ હેન્સની ટીમના મુખ્ય કોચ તરીકે જાહેરાત કરવામાં આવી હતી. WPL માટે ખેલાડીઓનું ઓક્શન 13 ફેબ્રુઆરી 2023ના રોજ આયોજન કરવામાં આવ્યું હતુ, જેમાં ગુજરાત જાયન્ટ્સે તેમની ટીમ માટે 18 ખેલાડીઓને સામેલ કર્યા હતા.

સપોર્ટ સ્ટાફની વાત કરીએ તો મુખ્ય કોચ માઈકલ ક્લિન્ગર છે, બેટિંગ કોચ તુષાર અરોઠે, બોલિંગ કોચ નૂશીન અલ ખાદીર, ફિલ્ડિંગ કોચ ગેવન ટ્વિનિંગ, મેન્ટર મિતાલી રાજ ભુમિકા ભજવી રહી છે.