WPL 2026 : 4 ખેલાડીઓને હરમનપ્રીત કરતા વધુ પૈસા મળશે, મંધાનાને મળશે 3.5 કરોડ, જાણો સંપૂણ લિસ્ટ
મહિલા પ્રીમિયર લીગની પાંચેય ટીમોએ રિટેન કરાયેલા ખેલાડીઓની યાદી જાહેર કરી છે. ચાલો તમને જણાવીએ કે કઈ ખેલાડીઓને કેટલામાં રિટેન કરવામાં આવી છે. ખાસ વાટ એ છે 4 ખેલાડીઓને હરમનપ્રીત કૌર કરતા વધુ પૈસા મળશે.
મહિલા પ્રીમિયર લીગ 2026 માટે રિટેનમેન્ટની જાહેરાત કરવામાં આવી છે. પાંચેય ટીમોએ કુલ 17 ખેલાડીઓને રિટેન કર્યા છે, જ્યારે દીપ્તિ શર્મા અને એલિસા હીલી જેવી ખેલાડીઓને પણ રિલીઝ કરવામાં આવી છે. ચાલો રિટેન કરાયેલી 17 ખેલાડીઓના પગાર પર એક નજર કરીએ. દરેક ખેલાડીને કેટલા પૈસા મળશે અને આ બાબતમાં કોણ નંબર વન છે? આશ્ચર્યજનક રીતે, ચાર ખેલાડીઓને મહિલા વર્લ્ડ કપ વિજેતા કેપ્ટન હરમનપ્રીત કૌર કરતા વધુ પૈસા મળશે. જાણો સંપૂર્ણ વિગતો.
કયા ખેલાડીને કેટલા પૈસા મળશે?
ચાર ખેલાડીઓને હરમનપ્રીત કૌર કરતા વધુ પૈસા મળવાની શક્યતા છે. હરમનપ્રીત કૌરને મુંબઈ ઈન્ડિયન્સે 2.5 કરોડ રૂપિયામાં રિટેન કરી છે, અને મુંબઈની ટીમ નેટ સિવર બ્રન્ટને તેના કરતાં વધુ પૈસા ચૂકવી રહી છે. આ ખેલાડીને પ્રતિ સિઝન 3.5 કરોડ રૂપિયા મળવાની શક્યતા છે. મુંબઈ ઈન્ડિયન્સે પાંચ ખેલાડીઓને રિટેન કર્યા છે, જેમાં હેલી મેથ્યુઝ (1.75 કરોડ રૂપિયા), અમનજોત કૌર (1 કરોડ રૂપિયા) અને જી. કમાલિની (50 લાખ રૂપિયા)નો સમાવેશ થાય છે.
દિલ્હી કેપિટલ્સના 5 ખેલાડીઓ પર કરોડોનો વરસાદ
દિલ્હી કેપિટલ્સે ચાર ખેલાડીઓને સમાન રકમ ચૂકવી છે. જેમીમાહ રોડ્રિગ્સ, શેફાલી વર્મા, એનાબેલ સધરલેન્ડ અને મેરિઝાન કાપને ₹2.2 કરોડ (2.2 કરોડ રૂપિયા) મળશે. નિકી પ્રસાદને ₹50 લાખમાં રિટેન કરવામાં આવી છે.
RCBએ 4 ખેલાડીઓને રિટેન કર્યા
RCBએ ચાર ખેલાડીઓને રિટેન કર્યા છે, જેમાં કેપ્ટન સ્મૃતિ મંધાનાને સૌથી વધુ ₹3.5 કરોડ પગાર મળશે. વિકેટકીપર રિચા ઘોષને ₹2.75 કરોડ મળશે. એલિસ પેરીને ₹2 કરોડ અને શ્રેયંકા પાટિલને 60 લાખ રૂપિયા મળશે.
ગુજરાત અને યુપી એ કોને કેટલા પૈસા આપ્યા?
ગુજરાતે કેપ્ટન એશ્લે ગાર્ડનર સહિત ફક્ત બે ખેલાડીઓને રિટેન કર્યા છે. એશ્લે ગાર્ડનરને આ સિઝનમાં ₹3.5 કરોડ મળશે. બેથ મૂનીને ₹2.5 કરોડ ચૂકવવામાં આવશે. એક આશ્ચર્યજનક નિર્ણયમાં, યુપી વોરિયર્સે ફક્ત એક ખેલાડી શ્વેતા શેરાવતને ₹50 લાખમાં રિટેન કરી છે.
આ પણ વાંચો: IND vs AUS: શુભમન ગિલ 14મી વખત નિષ્ફળ ગયો, કરી આ ભયંકર ભૂલ
