IPL 2025 : KKR સામે RCBએ ટોસ જીતી બોલિંગ પસંદ કરી, જાણો પ્લેઈંગ-11માં કોને મળ્યું સ્થાન
KKR vs RCB કન્ફર્મ્ડ પ્લેઈંગ XI : કોલકાતા નાઈટ રાઈડર્સ અને રોયલ ચેલેન્જર્સ બેંગલુરુ વચ્ચે સિઝન ઓપનર મેચ ઈડન ગાર્ડન્સ ખાતે શરૂ થઈ ગઈ છે. બેંગલુરુના કેપ્ટન રજત પાટીદારે પહેલી મેચમાં ટોસ જીતીને પહેલા બોલિંગ કરવાનો નિર્ણય લીધો હતો. જાણો કેવી છે બંને ટીમની પ્લેઈંગ 11.
IPL 2025 શરૂ થઈ ગયું છે. તેની પહેલી મેચ કોલકાતા નાઈટ રાઈડર્સ અને રોયલ ચેલેન્જર્સ બેંગલુરુ વચ્ચે રમાઈ રહી છે. ઈડન ગાર્ડન્સ ખાતે રમાયેલી શરૂઆતની મેચમાં બેંગલુરુ ટીમના નવો કેપ્ટન રજત પાટીદાર ટોસનો બોસ બન્યો. તેણે ટોસ જીતીને પહેલા બોલિંગ કરવાનો નિર્ણય લીધો. ટોસ હાર્યા બાદ પ્રથમ વખત કોલકાતા ટીમનું નેતૃત્વ કરી રહેલા અજિંક્ય રહાણેને પ્રથમ ફિલ્ડિંગ કરવાની તક મળી. આ દરમિયાન, બંને કેપ્ટનોએ પોતપોતાની પ્લેઈંગ ઈલેવનની પણ જાહેરાત કરી.
અજિંક્ય રહાણે KKRનો કેપ્ટન
KKRના કેપ્ટન અજિંક્ય રહાણેએ પહેલી મેચમાં 4 મુખ્ય બેટ્સમેનોને મેદાનમાં ઉતાર્યા છે. રહાણે ઉપરાંત ટીમમાં ક્વિન્ટન ડી કોક, વેંકટેશ અય્યર અને યુવા બેટ્સમેન અંગક્રિશ રઘુવંશીનો સમાવેશ થાય છે. રહાણેએ ટીમમાં આન્દ્રે રસેલ અને રમણદીપ સિંહના રૂપમાં બે પેસ બોલિંગ ઓલરાઉન્ડરોને તક આપી છે.
નારાયણ-ચક્રવર્તી સ્પિનની કમાન સાંભળશે
સુનીલ નારાયણ અને વરુણ ચક્રવર્તી સ્પિનર તરીકે રમશે.ઓસ્ટ્રેલિયન બોલર સ્પેન્સર જોહ્ન્સન ગયા સિઝનના સ્ટાર બોલર હર્ષિત રાણા સાથે ઝડપી બોલિંગની જવાબદારી સંભાળશે. આ ઉપરાંત, તેણે 5 ખેલાડીઓ એનરિક નોરખિયા, મનીષ પાંડે, વૈભવ અરોરા, અનુકુલ રોય, લવનિત સિસોદિયાને ઈમ્પેક્ટ સબ તરીકે પણ રાખ્યા છે. આમાંથી કોઈપણ એકને મેચ દરમિયાન ગમે ત્યારે મેદાનમાં ઉતારી શકાય છે.
Our first starting XI of the season is HERE and ready to bat first! pic.twitter.com/CkFDERhijd
— KolkataKnightRiders (@KKRiders) March 22, 2025
KKR ની પ્લેઈંગ 11 :
સુનીલ નારાયણ, ક્વિન્ટન ડી કોક, વેંકટેશ અય્યર, અજિંક્ય રહાણે (કેપ્ટન), રમનદીપ સિંહ, રિંકુ સિંહ, અંગક્રિશ રઘુવંશી, આન્દ્રે રસેલ, હર્ષિત રાણા, વરુણ ચક્રવર્તી, સ્પેન્સર જોહ્ન્સન.
KKR ઈમ્પેક્ટ સબસટીટ્યુટ :
એનરિક નોરખિયા, મનીષ પાંડે, વૈભવ અરોરા, અનુકુલ રોય, લવનિત સિસોદિયા.
પાટીદારની કપ્તાનીમાં RCB મેદાનમાં
રજત પાટીદારે RCBની પ્લેઈંગ 11 માં ટોચના ક્રમમાં ફિલ સોલ્ટ, વિરાટ કોહલી અને ટિમ ડેવિડ જેવા બેટ્સમેનોનો સમાવેશ કર્યો છે. જ્યારે જીતેશ શર્મા વિકેટકીપર-બેટ્સમેન તરીકે રમી રહ્યો છે. પહેલી મેચમાં ઈંગ્લેન્ડના સ્પિન ઓલરાઉન્ડર લિયામ લિવિંગસ્ટોનને પણ તક મળી છે. કૃણાલ પંડ્યા પણ સ્પિનરની ભૂમિકામાં હશે.
જોશ હેઝલવુડ પેસ આક્રમણનું નેતૃત્વ કરશે
ઓસ્ટ્રેલિયાનો અનુભવી બોલર જોશ હેઝલવુડ પેસ આક્રમણનું નેતૃત્વ કરી રહ્યો છે, જ્યારે રસિક સલામ દાર અને યશ દયાલ તેને ટેકો આપશે. આ ઉપરાંત, દેવદત્ત પડિકલ, અભિનંદન સિંહ, મનોજ ભંડગે, રોમારિયો શેફર્ડ અને સ્વપ્નિલ સિંહ ઈમ્પેક્ટ સબ તરીકે રમી રહ્યા છે, જેમાંથી એકને રમવાની તક મળશે.
Captaincy debut – RaPa has already kicked things off on a winning note!
We’ll be chasing first in the season opener!
Team News – we go with 2 spinners and 3 pacers. Salt, Liam, Tim and Hazlewood fill the overseas quota!
Unfortunately Bhuvi misses out due to a minor… pic.twitter.com/9QMCK5ezY3
— Royal Challengers Bengaluru (@RCBTweets) March 22, 2025
RCBની પ્લેઈંગ 11 :
ફિલ સોલ્ટ, વિરાટ કોહલી, ટિમ ડેવિડ, રજત પાટીદાર (કેપ્ટન), લિયામ લિવિંગસ્ટોન, જીતેશ શર્મા (વિકેટકીપર), કૃણાલ પંડ્યા, રસિક સલામ દાર, જોશ હેઝલવુડ, યશ દયાલ, સુયશ શર્મા.
RCB ઈમ્પેક્ટ સબસટીટ્યુટ :
દેવદત્ત પડિકલ, અભિનંદન સિંહ, મનોજ ભાનડગે, રોમારિયો શેફર્ડ, સ્વપ્નિલ સિંહ.
આ પણ વાંચો: IPL 2025 : શાહરૂખ ખાને ‘ચક દે ઈન્ડિયા’ના સીનની યાદ અપાવી, RCB સામેની મેચ પહેલા KKRને આપ્યો ખાસ સંદેશ
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
https://tv9gujarati.com/sports/cricket-news
