Surat : કુડસદ GIDCમાં ઓઈલ ટેન્કમાં આગ લાગ્યા બાદ થયો બ્લાસ્ટ, આસપાસના વિસ્તારમાં અફરાતફરીનો માહોલ, જુઓ Video

ગુજરાતમાં અવારનવાર આગ લાગવાની ઘટના બનતી હોય છે. ત્યારે સુરતના કુડસદ GIDCમાં આગ બાદ બ્લાસ્ટ થયો હોવાનું સામે આવ્યું છે. કાવ્યા ડાઈંગ મિલમાં ઓઈલ ટેન્કમાં આગ લાગ્યા બાદ બ્લાસ્ટ થયો છે. આગને પગલે અરાજકતાનો માહોલ સર્જાયો છે. બ્લાસ્ટ બાદ ટેન્કનું ઓઈલ આસપાસના રસ્તા પર પથરાયું છે. આગની ઝપેટમાં ચીમની આવી જતા ચીમની પણ સળગી ઉઠી હતી. કામદારોએ પાણીનો મારો ચલાવી આગ પર કાબુ મેળવ્યો હતો. થોડા સમય અગાઉ પણ આ કંપનીમાં જ ટેન્ક બ્લાસ્ટ થતા જ આગ લાગી હતી. બોઈલરનું તાપમાન કંટ્રોલ ન થતાં આગ લાગ્યાનું પ્રાથમિક અનુમાન લગાવવામાં આવ્યું છે. વારંવાર આગની ઘટના બાદ કંપની સંચાલકની બેદરકારી સામે સવાલ ઉભા થયા છે.

કડોદરા ચાર રસ્તા નજીક ટ્રકમાં લાગી આગ

બીજી તરફ આ અગાઉ સુરતના કડોદરા ચાર રસ્તા નજીક ટ્રકમાં આગ લાગી હતી. ઉંભેળ ગામની સીમમાં ટ્રાન્સપોર્ટ પાર્કિંગમાં આગ લાગવાની ઘટના બની હતી. બારડોલી ફાયર વિભાગની ટીમ ઘટના સ્થળે પહોંચી હતી. ઘટનાની જાણ થતા તાત્કાલિક ધોરણે ફાયર વિભાગના કર્મચારી ઘટના સ્થળે પહોંચી આગ પર કાબૂ મેળવ્યો હતો. શોર્ટ સર્કીટના કારણે આગ લાગ્યું હોવાનું અનુમાન લગાવવામાં આવ્યું છે.

ગુજરાતના વધુ સમાચાર વાંચવા માટે અહીં ક્લિક કરો