Gold Rate : ટ્રમ્પની ‘સીઝફાયર’ની જાહેરાત બાદ, સોનાનો ભાવ નીચે સરક્યો, બે અઠવાડિયાના નીચલા સ્તરે પહોંચ્યો
દરેક લોકો જાણે છે કે, મિડલ ઈસ્ટમાં ઈરાન અને ઈઝરાયલ વચ્ચે યુદ્ધ ચાલી રહ્યું છે. જો કે, આ બધાની વચ્ચે યુએસ રાષ્ટ્રપતિ ડોનાલ્ડ ટ્રમ્પના નવા નિવેદનથી સોનાની કિંમતમાં ભારે ભરખમ ઘટાડો જોવા મળ્યો છે.

યુએસ રાષ્ટ્રપતિ ડોનાલ્ડ ટ્રમ્પના નવા નિવેદનને કારણે સોનાની માંગમાં ભારે ઘટાડો થયો છે. જણાવી દઈએ કે, ટ્રમ્પે સીઝફાયરની જાહેરાત કરી છે, જેના કારણે સોનામાં રોકાણ ઘટ્યું છે. આંતરરાષ્ટ્રીય લેવલ સિવાય આની અસર ભારતીય બજારમાં પણ જોવા મળી છે.

મિડલ ઈસ્ટમાં તણાવને કારણે બજારમાં અનિશ્ચિતતાનું વાતાવરણ સર્જાયું છે. આની ખાસ અસર 24 જૂનના રોજ સોનાના ભાવમાં જોવા મળી હતી. સોનામાં ઘટાડો થયો તેનું મુખ્ય કારણ યુએસ રાષ્ટ્રપતિ ડોનાલ્ડ ટ્રમ્પ દ્વારા જાહેર કરાયેલ સીઝફાયર છે.

ટ્રમ્પે દાવો કર્યો હતો કે, ઈરાન અને ઇઝરાયલ વચ્ચે સીઝફાયર થઈ ગયું છે. જો કે, ટ્રમ્પના આ નિવેદનથી સોનાની માંગમાં ઘટાડો થયો છે. આંતરરાષ્ટ્રીય લેવલે સોનાનો ભાવ 0.47% ઘટીને $3,352.87 પ્રતિ ઔંસ પર પહોંચી ગયો.

ઇન્ટરનેશનલ લેવલ ઉપરાંત ભારતીય બજારમાં પણ સોનાના ભાવમાં મોટો ઘટાડો જોવા મળ્યો છે. MCX પર મંગળવારે સોનું 1,226 રૂપિયા ઘટીને પ્રતિ 10 ગ્રામે 98,162 રૂપિયાએ પહોંચી ગયું છે. ચાંદી પણ 793 રૂપિયા ઘટીને 1,05,966 રૂપિયાએ આવી ગઈ છે.

રિટેલ બજારમાં પણ સોનાના ભાવમાં થોડો ઘટાડો જોવા મળ્યો છે. મંગળવારે 22 કેરેટ સોનાનો ભાવ 92,700 રૂપિયા પ્રતિ 10 ગ્રામ નોંધાયો હતો, જે ગઈકાલે 92,750 રૂપિયા પ્રતિ 10 ગ્રામ હતો.

રોઇટર્સના અહેવાલ મુજબ, મંગળવારે સોનાના ભાવ લગભગ બે અઠવાડિયાના નીચલા સ્તરે પહોંચી ગયા હતા. જણાવી દઈએ કે, યુએસ રાષ્ટ્રપતિ ડોનાલ્ડ ટ્રમ્પની સીઝફાયરની જાહેરાતે રોકાણકારોને ચિંતામાં નાખ્યા છે.

સોનાની માંગમાં ઘટાડો થતાં સ્પોટ ગોલ્ડ 0.5% ઘટીને $3,351.47 પ્રતિ ઔંસ થયો હતો, આ ઘટાડો સવારે 02:57 GMT સુધી નોંધાયો હતો. જણાવી દઈએ કે, આ 11 જૂન પછીનું સૌથી નીચું સ્તર છે.
ભારતના દરેક ઘરમાં સોનું અને ચાંદી અવશ્ય જોવા મળે છે લોકોનો સોના-ચાંદીને ઘરના દરેક શુભ પ્રસંગે ખરીદતા હોય છે આથી તેનો ભાવ શુ ચાલી રહ્યો છે તેની જાણકારી મેળવવા અહીં ક્લિક કરો
