Video : સાબરકાંઠા બાદ હવે રાજકોટમાં પણ BZ જેવું કૌભાંડ, બ્લોકઆરા કંપનીનું 300 કરોડનું ફુલેકું ફેરવ્યું, જાણો સંપૂર્ણ ઘટના

ગુજરાત જાણો કૌભાંડનું રાજ્ય બની ગઈ હોય તેવી સ્થિતિ સર્જાઈ છે. સાબરકાંઠા બાદ હવે રાજકોટમાં પણ BZ જેવું કૌભાંડ સામે આવ્યું છે. રાજકોટના બ્લોકઆરા કંપનીનું 300 કરોડનું પોન્ઝી કૌભાંડ સામે આવ્યુ છે. 8 હજાર લોકોના નાણા ફસાયા હોવાનો દાવો કરવામાં આવ્યો છે. કંપનીના સંચાલકો તાળા મારી ફરાર થયા હોવાનું સામે આવ્યું છે. કંપની સામે સુરતમાં ગુનો નોંધાયો છે. ભોગ બનનારાઓએ રાજકોટ પોલીસ કમિશનરને રજૂઆત કરી છે. સવા 4 લાખના રોકાણ સામે દરરોજ 4 હજારનું વળતર અપાતું હતુ.

સાબરકાંઠામાંથી BZ કૌભાંડનો થયો હતો પર્દાફાશ

ગુજરાતમાં ચકચારી મચાવનાર BZ કૌભાંડ બહાર આવ્યુ છે. ઉત્તર ગુજરાતમાં BZ ગ્રુપ નામનું એક નવું કૌભાંડ સામે આવ્યુ હતું. જેમાં ભૂપેન્દ્ર ઝાલા નામના કૌભાંડીએ એકના ડબલ કરી આપવાનું કહી 6000 કરોડનું ફુલેકું ફેરવ્યું છે. જેમાં ગુજરાતની સામાન્ય જનતાની સાથે સાથે શિક્ષકો, ખેડૂતો, પોલીસકર્મીઓ, નિવૃત કર્મચારીઓ, લેભાગુની લાલચમાં આવીને લૂંટાયા છે. ભૂપેન્દ્ર ઝાલા, દરેક એજન્ટને રોકાણ સામે 5થી 25 ટકાનું કમિશન આપતો હતો. CIDએ બે બેંક ખાતાની તપાસ કરતા, બંને ખાતામાંથી રૂપિયા 175 કરોડના વ્યવહારો થયાનું સામે આવ્યું હતુ.