સુનીલ શેટ્ટી

સુનીલ શેટ્ટીનો જન્મ 11 ઓગસ્ટ 1961ના રોજ થયો છે, અભિનેતાનું પૂરું નામ સુનિલ વિરપ્પા શેટ્ટી છે. જે એક ભારતીય અભિનેતા છે. જે બોલિવુડમાં સક્રિય છે. 25 વર્ષ ઉપરાંતની કારકિર્દીમાં તેમણે 100થી વધુ ફિલ્મોમાં કામ કર્યું છે. ફિલ્મ ધડકનમાં તેમણે કરેલા અભિનય માટે તેમને ફિલ્મફેર એવોર્ડ મળી ચૂક્યો છે. અભિનેતાની ફિલ્મો જોવા માટે થિયેટરોમાં લાંબી લાઈનો લાગતી હતી.

સુનીલ શેટ્ટી પોપકોર્ન એન્ટરટેઇન્મેન્ટ પ્રાઇવેટ લિમિટેડ નામની ફિલ્મ નિર્માણ કંપનીના માલિક છે.સુનીલ શેટ્ટી જેણે પોતાના ડાયલોગ્સથી કરોડો લોકોને દિવાના બનાવ્યા હતા. સુનીલ શેટ્ટી બોલિવુડ એક્ટર જ નહીં પણ ફિલ્મ પ્રોડ્યુસર પણ છે. ફિલ્મ પ્રોડ્યુસર હોવાની સાથે સુનીલ એક મોટા બિઝનેસમેન પણ છે. માયાનગરી મુંબઈમાં તેની પોતાની રેસ્ટોરન્ટ છે.

અભિનેતાએ માના શેટ્ટી સાથે પ્રેમ લગ્ન કર્યા છે. સુનિલ શેટ્ટી બે બાળકોનો પિતા પણ છે. તેમને 2 બાળકો આથિયા શેટ્ટી અને અહાન શેટ્ટી છે. આ બંને બોલીવુડ સ્ટાર કિડ્સ તરીકે ઈન્ડસ્ટ્રીમાં કામ કરી રહ્યા છે. આથિયા શેટ્ટી અનેક ફિલ્મોમાં જોવા મળી ચૂકી છે. જેમણે ક્રિકેટર કે.એલ રાહુલ સાથે લગ્ન કર્યા છે.