મલાઈકા અરોરા

મલાઈકાનો જન્મ મુંબઈના ચેમ્બુરમાં થયો હતો. મલાઈકા 11 વર્ષની હતી ત્યારે તેના માતાપિતાએ છૂટાછેડા લીધા હતા. તેની માતા જોયસ પોલીકાર્પ મલયાલી છે અને તેના પિતા અનિલ અરોરા પંજાબી હતા અને ભારતીય સરહદ નજીકના ફઝિલકા ગામના હતા. અનિલ અરોરા મર્ચન્ટ નેવીમાં ફરજ બજાવતા હતા. તેની બહેન અમૃતા અરોરા પણ એક્ટ્રેસ છે.

મલાઈકા અરોરા એક ભારતીય એક્ટ્રેસ ડાન્સર, મોડલ, વીજે અને ટેલિવિઝન પ્રિઝેન્ટર છે. તે છૈયા છૈયા અને મુન્ની બદનામ હુઈ ગીતોમાં તેના ડાન્સ માટે ફેમસ છે. તે 2008માં પતિ અરબાઝ ખાન સાથે ફિલ્મ પ્રોડ્યુસર બની હતી. તેમની કંપની અરબાઝ ખાન પ્રોડક્શને દબંગ અને દબંગ 2 જેવી ફિલ્મો રિલીઝ કરી છે.

મલાઈકા ટેલિવિઝન શો નચ બલિયેમાં જજ તરીકે જોવા મળી હતી. આ સિવાય તે જરા નચકે દિખા અને શો ઝલક દિખલા જામાં પણ જજ તરીકે જોવા મળી હતી અને ઈન્ડિયાઝ ગોટ ટેલેન્ટની જજિંગ પેનલમાં પણ મહત્વનો રોલ ભજવે છે.

મલાઈકાએ બોલિવુડ એક્ટર-નિર્દેશક-નિર્માતા અરબાઝ ખાન સાથે લગ્ન કર્યા, જેની સાથે તે કોફી એડ શૂટ દરમિયાન મળી હતી. તેમને અરહાન નામનો પુત્ર પણ છે. પરંતુ 11 મે 2017ના રોજ બંનેના છૂટાછેડા થઈ ગયા અને હાલમાં તે બોલિવૂડ એક્ટર અર્જુન કપૂર સાથે રિલેશનશિપમાં છે.