કૃતિ સેનન

વર્તમાન સમયમાં બોલિવુડની પ્રસિદ્ધ અભિનેત્રી કૃતિ સેનનો જન્મ 27 જુલાઈ 1990ના રોજ નવી દિલ્હી ખાતે થયો હતો. તેના પિતાનું નામ રાહુલ સેનન છે. જેઓ વ્યવસાયે ચાર્ટર્ડ એકાઉન્ટન્ટ છે. તેમજ કૃતિ સેનની માતા દિલ્હી યુનિવર્સિટીમાં એસોસિયેટ પ્રોફેસર છે. કૃતિની નાની બહેનનુ નામ નૂપુર છે. કૃતિ સેનને જેપી ઇન્સ્ટિટ્યુટ ઓફ ઇન્ફોર્મેશનમાંથી અભ્યાસ કર્યો છે.

કૃતિ સેનને તેલુગુ ફિલ્મ નેનોક્કાડિને માંથી ડેબ્યૂ કર્યુ હતુ. તેમજ હીરોપંતી ફિલ્મથી તેને બોલિવૂડમાં ડેબ્યૂ કર્યુ હતુ. આ ઉપરાંત કૃતિ સેનને ક્લોઝઅપ, વિવેલ, અમૂલ , સેમસંગ અને હિમાલયા જેવી બ્રાન્ડ્સની જાહેરાતોમાં જોવા મળી હતી . વિલ્સ લાઈફસ્ટાઈલ ફેશન વીક, ચેન્નાઈ ઈન્ટરનેશનલ ફેશન વીક અને ઈન્ડિયા ઈન્ટરનેશનલ જ્વેલરી વીકમાં પણ જોવા મળી હતી. કૃતિ સેનને બોલિવૂડમાં અને સાઉથ ફિલ્મ ઈન્ડસ્ટ્રીમાં ઘણી હિટ મુવી આપી છે.