5 નવેમ્બર ભારતીય ક્રિકેટ માટે ખૂબ જ ખાસ દિવસ છે. આ તે તારીખ જે વિરાટ કોહલી (Virat Kohli) સાથે જોડાયેલી છે, જે છેલ્લા એક દાયકાથી કરોડો ભારતીય ક્રિકેટ ચાહકોના દિલની ધડકન બની ગયો છે. આ સદીના સર્વશ્રેષ્ઠ બેટ્સમેનમાંથી એક અને ભારતીય ક્રિકેટ ટીમના કેપ્ટન વિરાટ કોહલીનો આજે જન્મદિવસ છે. 5 નવેમ્બર, 1988ના રોજ જન્મેલા વિરાટ કોહલીએ દિલ્હીની ગલીઓમાં બહાર આવીને છેલ્લા એક દાયકામાં ક્રિકેટ જગતમાં પોતાનો દબદબો જમાવ્યો છે અને ઘણા રેકોર્ડ તોડીને પોતાનુ રાજ સ્થાપ્યું છે. વિરાટ કોહલી વિશે એટલું બધું લખવામાં, વાંચવામાં અને જોવામાં આવ્યું છે કે, તેના ચાહકો માટે આ મહાન બેટ્સમેનની દરેક કહાની અને રેકોર્ડની જાણ હોય તે સ્વાભાવિક છે. પરંતુ તેમ છતાં, કોહલીના 33માં જન્મદિવસ પર, કેટલાક ખાસ રેકોર્ડ વિશેની માહિતી,જેને તૂટવામાં વર્ષો લાગી જશે.