Breaking News : ગીર સોમનાથના લાટી ગામમાં ડિમોલિશન, 34 ગેરકાયદે દબાણો દૂર કરાયા, જુઓ Video
ગીર સોમનાથ જિલ્લાના સુત્રાપાડા તાલુકાના લાટી ગામમાં તંત્ર દ્વારા મોટું ડિમોલિશન ડ્રાઇવ હાથ ધરવામાં આવ્યું છે. સરકારી ગૌચર જમીન પર વર્ષોથી કરાયેલા 28 રહેણાંક મકાનો અને 6 ખેતીલક્ષી દબાણો સહિત કુલ 34 ગેરકાયદે બાંધકામો દૂર કરવામાં આવ્યા.
ગીર સોમનાથ જિલ્લાના સુત્રાપાડા તાલુકાના લાટી ગામમાં વહીવટી તંત્ર દ્વારા એક મોટી ડિમોલિશન ઝુંબેશ હાથ ધરવામાં આવી છે. સરકારી ગૌચર જમીન પર વર્ષોથી કરાયેલા ગેરકાયદે દબાણો સામે તંત્રએ કડક કાર્યવાહી કરી છે.
આ કાર્યવાહી દરમિયાન કુલ 34 ગેરકાયદે બાંધકામોને જમીનદોસ્ત કરવામાં આવ્યા. જેમાં 28 રહેણાંક મકાનો અને 6 ખેતીલક્ષી દબાણોનો સમાવેશ થાય છે. આ બાંધકામો છેલ્લા 15 થી 20 વર્ષથી સરકારી જમીન પર ઊભા કરાયા હતા.
ચુસ્ત પોલીસ બંદોબસ્ત વચ્ચે જેસીબી મશીનો દ્વારા ડિમોલિશનની કામગીરી હાથ ધરવામાં આવી હતી. તંત્રનો હેતુ સરકારી ગૌચર જમીનને દબાણમુક્ત કરી ગામની જાહેર જમીનને ફરી ખુલ્લી કરવાનો હતો. આ કાર્યવાહી દ્વારા ગેરકાયદેસર રીતે દબાયેલી જમીન પરનો કબજો હટાવી કાયદાનું શાસન સ્થાપિત કરવામાં આવ્યું છે. તંત્રની આ ઝુંબેશ અન્ય વિસ્તારો માટે પણ દાખલારૂપ બની શકે છે.

