ગાદલું ક્યારે બદલવું જોઈએ? બેડના ગાદલાની એક્સપાયરી કેટલા વર્ષે આવે છે?
બેડનું ગાદલું આપણા રોજિંદા જીવનનો એક મહત્ત્વનો ભાગ છે. સારી ઊંઘ માટે ગાદલું યોગ્ય અને આરામદાયક હોવું ખૂબ જ જરૂરી છે. પરંતુ ઘણી વખત લોકો વર્ષો સુધી એક જ ગાદલાનો ઉપયોગ કરતા રહે છે. તેમને લાગે છે કે જ્યાં સુધી ગાદલું ફાટી ન જાય ત્યાં સુધી તેને બદલવાની જરૂર નથી. જોકે, આવું નથી.

સમય જતાં ગાદલાની મજબૂતાઈ અને આરામ આપવાની ક્ષમતા ઘટવા લાગે છે. આવી સ્થિતિમાં સવાલ થાય છે કે ગાદલું કેટલાં વર્ષ પછી બદલવું જોઈએ અને કેવી રીતે જાણી શકાય કે હવે ગાદલાની એક્સપાયરી આવી ગઈ છે. (Image Source | iStock)

ગાદલાની કોઈ ચોક્કસ એક્સપાયરી ડેટ હોતી નથી. પરંતુ ગાદલાની એક્સપાયરી તેની ઉંમર, ઉપયોગ અને ગુણવત્તા પર આધાર રાખે છે. સામાન્ય રીતે સારી ગુણવત્તાવાળું ગાદલું 7થી 10 વર્ષ સુધી ચાલે છે. (Image Source | iStock)

ફોમ, મેમરી ફોમ, લેટેક્સ અને સ્પ્રિંગવાળા ગાદલાની આવરદા અલગ-અલગ હોય છે. કેટલાક ગાદલાંની યોગ્ય કાળજી રાખવામાં આવે તો તે આ સમય કરતાં વધુ વર્ષો સુધી પણ ટકી શકે છે. જ્યારે ઓછી ગુણવત્તાવાળાં ગાદલાં ઝડપથી ખરાબ થઈ જાય છે. (Image Source | iStock)

જો ગાદલાનો દરરોજ ઉપયોગ થતો હોય અથવા તેના પર વધારે વજન પડતું હોય તો તેની આવરદા ઘટી શકે છે. તેથી માત્ર વર્ષો ગણવાને બદલે ગાદલાની સ્થિતિ પર પણ ધ્યાન આપવું જરૂરી છે. (Image Source | iStock)

જો ગાદલાની વચ્ચે ખાડો પડી ગયો હોય અથવા તેનો કોઈ ભાગ દબાઈ ગયો હોય તો આ ગાદલું બદલવાનો સંકેત છે. આ ઉપરાંત, ગાદલા પર સૂઈ રહ્યા પછી શરીરમાં દુખાવો, કમરમાં જકડન અથવા ગરદનમાં તકલીફ અનુભવાય તો તેનું કારણ ગાદલું શરીરને યોગ્ય ટેકો ન આપી શકતું હોવું પણ હોઈ શકે છે. (Image Source | iStock)

ગાદલાને લાંબા સમય સુધી સારી સ્થિતિમાં રાખવા માટે તેની નિયમિત સફાઈ કરવી જરૂરી છે. સમયાંતરે વેક્યૂમ ક્લીનરથી ગાદલાની સફાઈ કરો અને તેના પર પાથરેલી ચાદર નિયમિત રીતે બદલો. (Image Source | iStock)

ગાદલાને ભેજથી દૂર રાખો, કારણ કે ભેજને કારણે તેમાં ફૂગ અને દુર્ગંધની સમસ્યા થઈ શકે છે. ગાદલાને પલટાવતાં પહેલાં અથવા તેની દિશા બદલતાં પહેલાં કંપનીની સૂચનાઓ જરૂર તપાસો. (Image Source | iStock)

નોંધ : આ સમાચારમાં આપવામાં આવેલી માહિતી સામાન્ય જાણકારી પર આધારિત છે. TV9 ગુજરાતી તેની પુષ્ટિ કરતું નથી. (Image Source | iStock)
આ પણ વાંચો, Home Cleaning Tips: રોજ આખા ઘરમાં પોતું મારવાની ઝંઝટ છોડો! અપનાવો આ સ્માર્ટ ટ્રિક, સમય અને મહેનત બંને બચશે
