IND vs NZ: રિષભ પંતે એક સાથે 2 વર્લ્ડ રેકોર્ડ તોડ્યા, એડમ ગિલક્રિસ્ટ-MS ધોનીને પાછળ છોડી દીધા
ન્યુઝીલેન્ડ સામે વેલિંગ્ટન ટેસ્ટના ત્રીજા દિવસે ભારતીય વિકેટકીપર-બેટ્સમેન રિષભ પંતે જોરદાર ઇનિંગ રમી. પંતે 55 રન ફટકાર્યા હતા અને દિવસની રમતના અંતે અણનમ રહ્યો હતો. આ 55 રનનો ઇનિંગ સાથે પંતે બે વિશ્વ રેકોર્ડ પણ બનાવ્યા હતા અને એડમ ગિલક્રિસ્ટ અને એમએસ ધોનીને પાછળ છોડી દીધા હતા.

ભારતીય વિકેટકીપર-બેટ્સમેન રિષભ પંતે ન્યુઝીલેન્ડ સામેની પ્રથમ ટેસ્ટના ત્રીજા દિવસે અણનમ 55 રનની ઇનિંગ રમીને વિશ્વ ક્રિકેટમાં ઇતિહાસ રચ્યો.

પંતે એક ખાસ યાદીમાં ઓસ્ટ્રેલિયન દિગ્ગજ એડમ ગિલક્રિસ્ટ અને ભૂતપૂર્વ ભારતીય કેપ્ટન મહેન્દ્ર સિંહ ધોનીને પાછળ છોડી દીધા.

રિષભ પંત હવે વિદેશી ધરતી પર રમાતી ટેસ્ટ મેચોમાં વિકેટકીપર-બેટ્સમેન તરીકે સૌથી વધુ રન બનાવનાર ખેલાડી બની ગયો છે.

પંતે મહેન્દ્ર સિંહ ધોનીને પાછળ છોડી દીધો છે, જેણે અગાઉ વિદેશી ધરતી પર 48 ટેસ્ટ મેચની 83 ઇનિંગ્સમાં 2,496 રન બનાવ્યા હતા.

આ સાથે પંતે એડમ ગિલક્રિસ્ટના 2,512 રનના આંકડાને પાર કરી લીધો. પંતે હવે 36 વિદેશી મેચોમાં 63 ઇનિંગ્સમાં 2,544 થી વધુ રન બનાવ્યા છે.

જોકે, એડમ ગિલક્રિસ્ટ હજુ પણ વિદેશમાં વિકેટકીપર તરીકે સૌથી વધુ સદી (10 સદી)નો રેકોર્ડ ધરાવે છે, જ્યારે પંત છ સદી સાથે બીજા ક્રમે છે.

વેલિંગ્ટન ટેસ્ટના ત્રીજા દિવસે, પંતે ICC વર્લ્ડ ટેસ્ટ ચેમ્પિયનશિપ (WTC) માં 3,000 રન પણ પૂર્ણ કર્યા. શુભમન ગિલ પછી આ સિદ્ધિ મેળવનાર તે બીજો ભારતીય બેટ્સમેન બન્યો.

આ સાથે, પંત WTC ઇતિહાસમાં 3,000 રનનો આંકડો પાર કરનાર પ્રથમ વિકેટકીપર-બેટ્સમેન બન્યો. પાકિસ્તાનના મોહમ્મદ રિઝવાન અને ઓસ્ટ્રેલિયાના એલેક્સ કેરી આ યાદીમાં તેનાથી ઘણા પાછળ છે. (PC:PTI/x)
IND vs NZ: KL રાહુલની સદી, શુભમન ગિલના 98 અને રિષભ પંતની ફિફ્ટી, ન્યુઝીલેન્ડ બેકફૂટ પર
