જાફરાબાદના સર્કેશ્વર ગામમાં છટાદાર સિંહણની લટારનો Video વાયરલ, પોલીસ આવાસમાં આંટાફેરા મારતી કેમેરામાં થઈ કેદ- Video
ગીરના સિંહોનું ગઢ ગણાતા અમરેલી જિલ્લામાંથી વધુ એક સિંહણના આંટાફેરાનો વીડિયો વાયરલ થયો છે. જાફરાબાદના સર્કેશ્વર પોલીસ આવાસમાં સિંહણ લટાર મારતી જોવા મળી. સિંહણનો એકદમ નજીકનો મનમોહક વીડિયો લોકોનુ ધ્યાન ખેંચી રહ્યો છે.
અમરેલી જિલ્લો સિંહોનું ગઢ ગણાય છે. અહીં અવારનવાર રહેણાંક વિસ્તારોમાં સિંહો આવી ચડે છે. અહીં માણસો અને સિંહો જાણે સાથે મળીને વસવાટ કરે છે અને તેમની વચ્ચે ગજબનો તાલમેલ જોવા મળે છે, અમરેલીમાં અવારનવાર સિંહો ખોરાક કે પાણીની શોધમાં રહેણાંક વિસ્તારોમાં આવી ચડે છે. ત્યારે વધુ એક સિંહણના આંટાફેરાનો વીડિયો વાયરલ થયો છે. જ્યાં જાફરાબાદ તાલુકાના દરિયાકાંઠા નજીકના સરકેશ્વર ગામના પોલીસ આવાસમાં સિંહણ આવી ચડી હતી.
વીડિયોમાં સ્પષ્ટ જોઈ શકાય છે તેમ પોલીસ આવાસમાં સિંહણ કંઈક શોધતી હોય તેમ આંટાફેરા કરી રહી છે અને બારીમાંથી જોતી પણ નજરે ચડે છે. સિંહણની લટરાનો આ વીડિયો કોઈકે તેના કેમેરામાં કેદ કરી લીધો છે.
અમરેલી જિલ્લામાં પહેલેથી સિંહોનો વસવાટ છે. પહેલા એવુ હતુ કે સિંહો રેવન્યુ અને જંગલ વિસ્તાર પૂરતા સીમિત રહેતા હતા પરંતુ હવે સિંહોનું રહેણાંક વિસ્તારોમાં આવવાનું વધ્યુ છે. જેનાથી સ્થાનિકોમાં પણ ભયનો માહોલ રહે છે. હાલ તો સિંહણનો આ વીડિયો હરકોઈનું ધ્યાન ખેંચી રહ્યો છે.
Input Credit- Jaydev Kathi- Amreli
જામનગરમાં મંથર ગતિએ ચાલતા વિકાસ કામોથી સ્થાનિકો ત્રાહિમામ, નવા રોડનું કામ શરૂ જ ન કરવા વેપારીઓની માગ
જાફરાબાદના સર્કેશ્વર ગામમાં પોલીસ આવાસમાં આવી ચડી સિંહણ- Video વાયરલ
બોરસદમાં રેત માફિયાઓ સરકારી અધિકારીઓની રેકી કરતા ઝડપાયા ! Video
કાર અકસ્માતમાં 3 મિત્રોનાં કરુણ મોત, ક્રિષ્ના ચુડાસમાનો ચમત્કારિક બચાવ
ધોરાજીમાં ડુંગળીના પાક પર પ્રતિકૂળ વાતાવરણની અસર ! Video
