સિદ્ધાર્થ મલ્હોત્રા

બોલિવૂડ એક્ટર સિદ્ધાર્થ મલ્હોત્રાનો જન્મ 16 જાન્યુઆરી 1985ના રોજ દિલ્હીમાં પંજાબી પરિવારમાં થયો છે. તેના પરિવારમાં પિતા સુનીલ મલ્હોત્રા તેમજ માતા રીમા મલ્હોત્રા છે અને એક ભાઈ છે. તેણે શહિદ ભગતસિંહ કોલેજમાં અભ્યાસ કર્યો છે. એક જાણીતા ભારતીય એક્ટર અને મોડલ છે. તેણે 18 વર્ષની ઉંમરે પોતાની કરિયર એક મોડલ તરીકે શરૂ કરી હતી.

વર્ષ 2012માં આવેલી કરણ જોહરની ફિલ્મ સ્ટ્યુડન્ટ ઓફ ધ યરથી લીડ ભૂમિકામાં એક્ટિંગની શરૂઆત કરી હતી. તેના માટે તેણે બેસ્ટ મેલ ડેબ્યૂ એક્ટરનો ફિલ્મ ફેર એવોર્ડ મળ્યો છે. તેણે કોમેડી ડ્રામા હંસી તો ફંસી તેમજ વર્ષ 2014માં આવેલી રોમેન્ટિક થ્રીલર મુવી એક વિલનમાં પણ મહત્વની ભૂમિકા નિભાવી છે. તેણે બ્રધર્સ, બાર બાર દેખો તેમજ શેરશાહ જેવી મુવીમાં કામ કર્યું છે.

સિદ્ધાર્થ મલ્હોત્રાએ એકટ્રેસ કિયારા અડવાણી સાથે મેરેજ કર્યા છે. તેની બંનેની લવ સ્ટોરી ખૂબ જ સુંદર છે. તે બંને શેરશાહ મુવી પહેલાથી એકબીજાને ઓળખતા હતા. સિદ્ધાર્થ અને કિયારાએ રાજસ્થાનના સૂર્યગઢ પેલેસમાં 7 ફેબ્રુઆરી 2023ના રોજ લગ્ન કર્યા હતા. સિદ્ધાર્થ અને કિયારાની જોડીને લોકો ખૂબ જ પસંદ કરે છે.