જિઓ

Jio ભારતમાં મોબાઇલ ટેલિફોન, બ્રોડબેન્ડ સેવાઓ અને ડિજિટલ સેવા આપતી સૌથી મોટી કંપની છે. તે તમામ 22 ટેલિકોમ સર્કલમાં LTE નેટવર્કનું સંચાલન કરે છે. Jioની શરૂઆતથી જ ફક્ત 4G VoLTE સેવાઓ પૂરી પાડી રહ્યું છે. હાલમાં, તે 5G સેવાઓ પણ પૂરી પાડી રહ્યું છે.

Jio કંપની 15 ફેબ્રુઆરી 2007 ના રોજ અમદાવાદ, ગુજરાત ખાતે રિલાયન્સ જિયો ઇન્ફોકોમ લિમિટેડ તરીકે નોંધાયેલી હતી. જૂન 2010 માં, રિલાયન્સ ઇન્ડસ્ટ્રીઝ (RIL) એ ઇન્ફોટેલ બ્રોડબેન્ડ સર્વિસીસ લિમિટેડ (IBSL) માં 96% હિસ્સો રૂ. 4,800 કરોડમાં હસ્તગત કર્યો. સૂચિબદ્ધ ન હોય તેવી, IBSL એકમાત્ર કંપની હતી. જેણે 4G હરાજીમાં ભારતના તમામ 22 સર્કલમાં બ્રોડબેન્ડ સ્પેક્ટ્રમ જીત્યો હતો. તે પાછળથી RILની ટેલિકોમ પેટાકંપની તરીકે કાર્યરત હતી. જાન્યુઆરી 2013 માં, ઇન્ફોટેલ બ્રોડબેન્ડ સર્વિસીસ લિમિટેડનું નામ બદલીને રિલાયન્સ જિયો ઇન્ફોકોમ લિમિટેડ (RJIL) રાખવામાં આવ્યું.