Wi-Fi કનેક્શન માટે Airtel કે Jio, કોણ આપી રહ્યું છે કન્ઝ્યુમર-ફ્રેન્ડલી પ્લાન?

ભારતમાં ઝડપી ઇન્ટરનેટની માંગ સતત વધી રહી છે. વર્ક ફ્રોમ હોમ, ઓનલાઈન ક્લાસ, OTT સ્ટ્રીમિંગ અને ગેમિંગ જેવી જરૂરિયાતોને કારણે હવે ઘરમાં મજબૂત અને સ્થિર Wi-Fi કનેક્શન અનિવાર્ય બની ગયું છે. આવી પરિસ્થિતિમાં બે મોટી ટેલિકોમ કંપનીઓ Airtel અને Jio પોતાના ફાઇબર બ્રોડબેન્ડ પ્લાન સાથે બજારમાં સ્પર્ધા કરી રહી છે.

Jio vs Airtel

એન્ટ્રી-લેવલ બ્રોડબેન્ડ સેગમેન્ટમાં JioFiber સામાન્ય રીતે ઓછી કિમતે બજારમાં ઉતરશે છે. કંપનીનો બેઝ પ્લાન અંદાજે ₹399માં 30 Mbps સ્પીડ આપે છે, જે બેઝિક બ્રાઉઝિંગ અને ઑનલાઈન ક્લાસ માટે પૂરતો માનવામાં આવે છે. બીજી બાજુ, Airtel Xstream Fiber નો શરૂઆતનો પ્લાન લગભગ ₹499થી શરૂ થઈને 40 Mbps સ્પીડ ઓફર કરે છે. સ્પીડના અભિપ્રાયથી Airtel થોડી આગળ દેખાય છે, પરંતુ બજેટ યુઝર્સ માટે Jioનો પ્લાન વધુ કિફાયતી છે. એટલે કે, ઓછા ખર્ચે ઈન્ટરનેટ જોઈએ તો Jio પસંદ કરો, જ્યારે થોડી વધુ સ્પીડ માટે Airtel પસંદ કરવું ફાયદાકારક હોઈ શકે છે.

મિડ-રેન્જ પ્લાન્સમાં OTT અને સ્પીડનો ખેલ

₹699 થી ₹999 રેન્જમાં બંને કંપનીઓ સૌથી વધારે યુઝર્સને ટાર્ગેટ કરે છે. JioFiber આ સેગમેન્ટમાં 100 Mbps સુધીની સ્પીડ અને કેટલાક પ્લાન્સમાં સેટ-ટોપ બોક્સ અને OTT બેનિફિટ્સ આપે છે. જ્યારે Airtel Xstream Fiber પણ આ કિંમત પર 100 Mbps સુધીની સ્પીડ સાથે ઘણા લોકપ્રિય OTT પ્લેટફોર્મ્સનો એક્સેસ આપે છે. યુઝર્સના અનુભવના આધારે Airtelનું નેટવર્ક સ્ટેબિલિટી સામાન્ય રીતે વધુ સારી માનવામાં આવે છે, જ્યારે Jio કિંમતની દૃષ્ટિએ સસ્તું છે.

હાઈ-સ્પીડ અને પ્રીમિયમ યુઝર્સ માટે વિકલ્પ

જ્યાં સુધી યુઝર્સને ભારે ડાઉનલોડ, ગેમિંગ અથવા વર્ક-ફ્રોમ-હોમ માટે ઝડપી ઈન્ટરનેટની જરૂર હોય છે, ત્યાં બંને કંપનીઓ 300 Mbps થી લઈને 1 Gbps સુધીના પ્લાન્સ ઓફર કરે છે. JioFiberનો 1 Gbps પ્લાન પ્રીમિયમ કિમતે આવે છે, જયારે Airtel પણ સમાન સ્પીડ સાથે હાઈ-એન્ડ પ્લાન ઓફર કરે છે. એરટેલ પાસે આ રેન્જમાં ₹1199, ₹1599 અને ₹3999 પ્રતિમહિના વાળા પ્લાન છે, જેમાં 100 Mbps, 300 Mbps અને 1024 Mbps સુધી ઈન્ટરનેટ સ્પીડ મળે છે. જ્યારે Jio ₹1199, ₹1499, ₹2499, ₹3999 અને ₹8499 વાળા પ્લાન ઓફર કરે છે. આ પ્લાનમાં તમને 100 Mbps થી લઈને 1 Gbps સુધી ઈન્ટરનેટ સ્પીડ મળે છે.

LTE vs 5G: ઝડપી ડાઉનલોડ કે પાવર સેવિંગ? જાણો કયો વિકલ્પ છે શ્રેષ્ઠ