બસના ડ્રાઇવર પણ પેસેન્જરને બસ સ્ટોપથી થોડા દૂર ઉતારીને જાય છે, કારણ કે બસ સ્ટોપ પાસે બસ ઉભી રહે એવી જગ્યા જ નથી બસ સ્ટોપની આજુબાજુ રિક્ષા અને છૂટક ધંધાવાળા પોતાનો અડ્ડો જમાવીને બેઠા છે.
અમદાવાદ મહાનગરપાલિકા દ્વારા સંચાલિત એ.એમ.ટી.એસના બસ સ્ટેન્ડ પર એકદમ સૂચનાઓ લગાડવામાં આવી છે. જાહેર સૂચનાના આ બોર્ડ શહેરના ઘણાં વિસ્તારોમાં જોવા મળે છે.
1 / 5
આ સુચનાઓમાં લખ્યું છે કે, આ બસ સ્ટેન્ડની આગળ કે આજુબાજુ 50 ફૂટ સુધી કોઈપણ પ્રકારના વાહન પાર્ક કરવા નહીં. બસ સ્ટેન્ડની આગળ, આજુબાજુ વાહન પાર્કિંગ દંડને પાત્ર છે.
2 / 5
અમદાવાદ શહેરના પૂર્વ અને પશ્ચિમ વિસ્તારના કેટલાક વિસ્તારોના બસ સ્ટેન્ડ શટલીયા રિક્ષાઓનો અડ્ડો છે. બસ સ્ટેન્ડ પર બસ ઉભી રહે એ પહેલા મધપૂડાની જેમ ઓટો રિક્ષાઓ વીંટળાઈ જાય છે.
3 / 5
કાલુપુર જેવા વિસ્તારોમાં બસ સ્ટેન્ડ પર પેડલ રિક્ષાઓ અને ખાનાબદોશ લોકો અડ્ડો જમાવી દે છે. જ્યારે મોટી સરકારી કચેરીઓ અને ટ્રાફિકથી ધમધમતા કેટલાક વિસ્તારોમાં બસ સ્ટેન્ડ પર અને આજુબાજુમાં પાન મસાલા, ગુટકા, સિગારેટ ના ખૂમચા લાગી જાય છે. જમાલપુર જેવા વિસ્તારમાં બસ સ્ટેન્ડ પર પાળેલા પશુઓને પાર્ક કરી દીધા હોય એવા દ્રશ્યો જોવા મળી જાય.
4 / 5
મહત્વની વાત એ છે કે પ્રવાસીઓની સગવડ માટે બનાવેલા આધુનિક બેઠકો સાથેના બસ સ્ટેન્ડ પર કડક સૂચના તો લાગી ગઈ છે, હવે અમલ જ બાકી છે...!!
