ફરી એકસાથે દેખાયા સૌરાષ્ટ્રના દિગ્ગજ પાટીદાર નેતા જયેશ રાદડિયા અને AAPના ધારાસભ્ય ગોપાલ ઈટાલિયા, 13 દિવસમાં બીજી મુલાકાત- Video
સૌરાષ્ટ્રના દિગ્ગજ પાટીદાર નેતા અને જેતપુરથી ભાજપના ધારાસભ્ય જયેશ રાદડિયા અને AAPના ધારાસભ્ય ગોપાલ ઈટાલિયા ફરી એકસાથે જોવા મળ્યા છે. સુરતમાં આયોજિત સમૂહ લગ્નોત્સવમાં બંને એકસાથે મંચ પર જોવા મળ્યા હતા. 13 દિવસમાં બંનેની આ બીજી મુલાકાત છે.
એકબીજાના ઘુર વિરોધી કહેવાતા ભાજપ અને આમ આદમી પાર્ટીના નેતા એકસાથે એકમંચ પર દેખાય તો ચર્ચાનું કેન્દ્ર બન્યા વિના ન રહે. કંઈક આવુ જ છેલ્લા 13 દિવસની અંદર બીજીવાર જોવા મળ્યુ છે. સૌરાષ્ટ્રના દિગ્ગજ પાટીદાર નેતા અને જેતપુરથી ભાજપના ધારાસભ્ય જયેશ રાદડિયા અને આમ આદમી પાર્ટીના ધારાસભ્ય ગોપાલ ઈટાલિયા એક મંચ પર જોવા મળ્યા છે. સુરતમાં આયોજિત સમૂહ લગ્નોત્વમા બંને પાટીદાર નેતાઓ એકસાથે સ્ટેજ પર જોવા મળ્યા હતા. આ કાર્યક્રમમાં બંને સ્ટેજ પર સતત હસતા હસતા વાતો કરતા દેખાયા હતા. એસપી સ્વામી સાથે ત્રણેયનું સ્વાગત કરાયુ હતુ.
અત્રે એ પણ નોંધનિય છે કે આ અગાઉ પણ જયેશ રાદડિયા અને ગોપાલ ઈટાલિયા વિધાનસભાની ગેલેરીમાં એકબીજાને ગળે મળીને ભેટીને વાતો કરતા દેખાયા હતા. રાજકીય રીતે મહત્વપૂર્ણ બાબત એ રહી કે કાર્યક્રમની શરૂઆતમાં તેમની વચ્ચે એક ખુરશી ખાલી હોવા છતાં બંને દૂરથી જ વાતોમાં મગ્ન હતાં, અને ત્યારબાદ એક જ સોફા પર સાથે બેસીને લાંબો સમય સુધી ગહન ચર્ચાઓ કરતા નજરે પડ્યા. આ મુલાકાતથી સામાજિક અને રાજકીય વર્તુળોમાં ફરી એકવાર તેઓ ચર્ચાનું કેન્દ્ર બન્યા છે.
આ પહેલા બજેટ સત્રના પ્રથમ દિવસે જ ભાજપના ધારાસભ્ય જયેશ રાદડિયા અને આપના ધારાસભ્ય ગોપાલ ઈટાલિયા વચ્ચેની મુલાકાત ચર્ચાનું કેન્દ્ર બની હતી. બંને નેતાઓ એકબીજા વચ્ચે ગુફતગૂ કરતા અને છુટા પડતી સમયે એકબીજાને ગળે મળતા જોવા મળ્યા હતાં.
Input Credit- Baldev Suthar0 Surat
રાજુલાના પૂર્વ ધારાસભ્ય અંબરીશ ડેર માટે પાટીલે કર્યુ આ સૂચક નિવેદન- જુઓ Video
