Ganesh Chaturthi 2025

ગણેશ ચતુર્થીને વિનાયક ચતુર્થી પણ કહેવાય છે. તે હિન્દુ ધર્મનો મહત્વનો તહેવાર છે. આ દિવસે ગણપતિ માતા પાર્વતી સાથે કૈલાસ પર્વત પરથી પૃથ્વી પર આવ્યા હતા. આ પ્રસંગે આ તહેવાર ઉજવવામાં આવે છે. ગણેશોત્સવ દરમિયાન માટીના ગણેશની મૂર્તિઓ બનાવવામાં આવે છે. આ મૂર્તિઓ ઘર અને જાહેર સ્થળોએ સ્થાપિત કરવામાં આવે છે. આ પછી 10 દિવસ સુધી ભક્તિભાવથી ગણેશજીની પૂજા કરવામાં આવે છે. અનંત ચતુર્થી દસમા દિવસે ઉજવવામાં આવે છે. જે દિવસે ગણેશ મૂર્તિનું વિસર્જન કરવામાં આવે છે.

ગણેશ ચતુર્થીના દિવસે પૂજા માટે ગણેશજીને મોદક અને લાડુ પ્રસાદ કરીકે ધરવામાં આવે છે. કહેવાય છે કે ગણેશજીને મીઠાઈઓ ખૂબ ગમે છે. ધાર્મિક વિધિમાં વૈદિક સ્તોત્ર, પ્રાર્થના અને જપ કરવામાં આવે છે. લોકો આ દિવસે ઉપવાસ પણ રાખે છે. મહોત્સવના દસમા દિવસે એટલે કે અનંત ચતુર્થીના દિવસે, ભવ્ય શોભાયાત્રા કાઢવામાં આવે છે અને બાપ્પાને ઢોલ અને કરતાલના નાદ સાથે ભક્તિભાવ પૂર્વક વિદાય આપવાના ભાગરૂપે મૂર્તિનું વિસર્જન કરવામાં આવે છે. બાપ્પાની મૂર્તિનુ નદી કે દરિયાના પાણીમાં વિસર્જન કરવામાં આવે છે. ગણેશોત્સવ દર વર્ષે સામાન્ય રીતે ઓગસ્ટ કે સપ્ટેમ્બર મહિનામાં ઉજવવામાં આવે છે.