સોનાક્ષી સિંહા

ઈન્ડિયન એક્ટ્રે્સ સોનાક્ષી સિંહાનો જન્મ 2 જૂન, 1987ના રોજ અભિનેતા શત્રુઘ્ન સિંહા અને અભિનેત્રી પૂનમ સિંહાના ઘરે થયો છે. સોનાક્ષીએ મુંબઈના આર્ય વિદ્યા મંદિરમાંથી તેનું સ્કૂલનું એજ્યુકેશન પુરું કર્યું છે. શ્રીમતી નાથીબાઈ દામોદર થ્રેસ વિમેન્સ યુનિવર્સિટી, મુંબઈ, મહારાષ્ટ્રમાંથી ફેશન ડિઝાઇનિંગમાં ગ્રેજ્યુએશન કર્યું છે. સોનાક્ષીને બે ભાઈઓ છે : લવ સિંહા અને કુશ સિંહા. શત્રુઘ્ન સિંહા અને પૂનમ સિંહાના ત્રણેય બાળકોમાં સોનાક્ષી સૌથી નાની છે.

સોનાક્ષી સિંહાએ દબંગ મુવીથી એક્ટિંગથી દૂનિયામાં પગરવ માંડ્યા હતા. તેમણે બેસ્ટ ડેબ્યૂ એક્ટ્રેસનો ફિલ્મફેર એવોર્ડ મળ્યો હતો. સોનાક્ષી સિંહા યો યો હની સિંહ સાથે સુપરસ્ટાર નામના મ્યુઝિક વીડિયોમાં દેખાઈ હતી. તેમણે રોમાન્સ ફિલ્મ કલંકમાં મોટા નામાંકિત કલાકારો સાથે અભિનય કર્યો છે.

સોનાક્ષી સિંહાએ અકીરા, સન ઓફ સરદાર, ડબલ એક્સ એલ, આર રાજકુમાર વગેરે જેવી મુવીમાં પોતાની એક્ટિંગથી ધૂમ મચાવી છે. સોનાક્ષી સિંહા વેબ સિરીઝ દહાડથી ઓટીટી પ્લેટફોર્મ પર ડેબ્યુ કર્યું છે. તેમણે સંજય લીલા ભણસાલીની વેબ સિરીઝ હીરામંડીમાં શાનદાર ભૂમિકા નિભાવી છે.