સારા અલી ખાન

સારા અલી ખાનનો જન્મ 12 ઓગસ્ટ 1995ના રોજ મુંબઈ મહારાષ્ટ્રમાં થયો હતો. સારા અલી ખાન પટૌડી પરિવાર સાથે સંબંધ ધરાવે છે, સારાના પિતાનું નામ સૈફ અલી ખાન છે, જે બોલિવુડમાં છોટે નવાબ તરીકે ઓળખાય છે. સારાની માતા અમૃતા સિંહ પણ એંસીના દાયકામાં બોલિવુડની બેસ્ટ એક્ટ્રેસમાંથી એક હતી. સારાના માતા-પિતાએ વર્ષ 2004માં છૂટાછેડા લીધા હતા. સારાના ભાઈનું નામ ઈબ્રાહિમ અલી ખાન છે. સિનેમાની દુનિયામાં આવતા પહેલા પટૌડી યુવતીએ 2016માં ન્યૂયોર્કની કોલંબિયા યુનિવર્સિટીમાંથી ગ્રેજ્યુએશન કર્યું હતું.

સારા અલી ખાન એક ભારતીય બોલીવુડ એક્ટ્રેસ છે. સારાએ વર્ષ 2018માં કેદારનાથ ફિલ્મથી બોલિવુડમાં ડેબ્યૂ કર્યું હતું. સારા બોલિવુડના છોટે નવાબ સૈફ અલી ખાન અને એંસીના દાયકાની એક્ટ્રેસ અમૃતા સિંહની પુત્રી અને શર્મિલા ટાગોરની પૌત્રી છે.

સારાએ 2018માં આવેલી ફિલ્મ કેદારનાથથી ફિલ્મી દુનિયામાં ડેબ્યૂ કર્યું હતું. આ ફિલ્મમાં સારાની સાથે સુશાંત સિંહ રાજપૂત જોવા મળ્યો હતો, આ ફિલ્મ માટે સારાને બેસ્ટ ફિમેલ ડેબ્યૂ માટે ફિલ્મફેર એવોર્ડથી સન્માનિત કરવામાં આવી છે. આ પછી સારાએ રણવીર સિંહ સાથે સિમ્બા ફિલ્મમાં કામ કર્યું હતું.