અલ્લુ અર્જુન

સાઉથ સિનેમા ઈન્ડસ્ટ્રીઝમાં ધૂમ મચાવતા એક્ટર અલ્લુ અર્જુનનો જન્મ 08 એપ્રિલ 1982ના રોજ તમિલનાડુમાં થયો છે. તે પોતાના ડાન્સને લઈને પણ લોકોમાં ફેમસ છે. તેમના પિતા અલ્લુ અરવિંદ, જે ફિલ્મ પ્રોડ્યુસર છે અને માતાનું નામ નિર્મલા છે. તેમના દાદા પ્રખ્યાત ફિલ્મ કોમેડિયન અલ્લુ રામલિંગૈયા હતા, જેમણે 1000થી વધુ ફિલ્મોમાં અભિનય કર્યો હતો. અલ્લુ અર્જુન એક્ટર રામ ચરણના પિતરાઈ ભાઈ છે.

તેઓએ ઘણા એવોર્ડ મેળવ્યા છે, જેમાં એક રાષ્ટ્રીય ફિલ્મ પુરસ્કાર, છ ફિલ્મફેર પુરસ્કારો અને ત્રણ નંદી પુરસ્કારોનો સમાવેશ થાય છે. તેમણે ફિલ્મ ગંગોત્રીથી અભિનયની શરુઆત કરી. તેમણે ઘણી બધી ફિલ્મોમાં કામ કર્યું છે પણ એક્ટર ને પુષ્પા ધ રાઈઝ ફિલ્મથી વધારે લોકચાહના મેળી છે. અલ્લુ અર્જુન અનેક બ્રાન્ડ્સ અને પ્રોડક્ટ્સને સમર્થન આપે છે અને પ્રો કબડ્ડી લીગ અને સ્ટ્રીમિંગ સેવા અહા માટે સેલિબ્રિટી બ્રાન્ડ એમ્બેસેડર છે.

અલ્લુ અર્જુન અને સ્નેહા રેડ્ડીના લગ્નને 12 વર્ષ થઈ ગયા છે. બંનેએ 6 માર્ચ 2011ના રોજ સાત ફેરા લીધા હતા. તેમની લવ સ્ટોરી કોઈ ફિલ્મી સ્ટોરીથી ઓછી નથી. તેની પત્ની ઈન્ડસ્ટ્રીમાં એક્ટિવ નથી, પરંતુ સોશિયલ મીડિયા પર ચર્ચામાં રહે છે. લગ્ન પછી, અભિનેતાને બે બાળકો છે. અભિનેતાએ તેની પુત્રીનું નામ અરહા અને પુત્રનું નામ અયાન રાખ્યું છે.