સેન્ટ્રલ વિસ્ટા એવન્યુના ઉદ્ઘાટનના એક દિવસ બાદ શુક્રવારે ઈન્ડિયા ગેટ પર ડ્રોન શોનું આયોજન કરવામાં આવ્યું હતું.
સંસ્કૃતિ મંત્રાલય દ્વારા આયોજિત એક કાર્યક્રમમાં ડ્રોન દ્વારા આકાશમાં નેતાજીની તસવીર બનાવવામાં આવી હતી.
દેશભક્તિના ગીતો સાથે નેતાજી સુભાષચંદ્ર બોજની તસવીર આકાશમાં છવાઈ ગઈ અને લોકો મંત્રમુગ્ધ થઈ ગયા હતા.
આકાશમાં 100થી વધુ ડ્રોન તસવીરો દ્વારા નેતાજીના જીવનની વાર્તા કહી રહ્યા હતા.
રંગબેરંગી રોશનીઓમાં ડ્રોન્સ દ્વારા નેતાજીના બાળપણના જીવનને તેમના કોલેજના અભ્યાસ, દેશની આઝાદીમાં તેમના યોગદાનને બતાવવામાં આવ્યું હતું.
ઈન્ડિયા ગેટ 19 મહિના પછી સામાન્ય લોકો માટે ખુલ્લો મુકાયો છે અને પહેલા દિવસે મોટી સંખ્યામાં લોકો અહીં પહોંચ્યા હતા.
લોકો તસવીરો ખેંચી રહ્યા હતા, વીડિયો શૂટ કરી રહ્યા હતા અને ડ્રોન દ્વારા બનાવવામાં આવતી નેતાજીની તસવીરોનો આનંદ માણી રહ્યા હતા.
સામાન્ય રીતે લોકો રાત્રે પિકનિક માટે ઈન્ડિયા ગેટ જતા હતા, આવો જ નજારો પહેલા દિવસે પણ જોવા મળ્યો હતો.
તમને જણાવી દઈએ કે વડાપ્રધાન મોદીએ ગુરુવારે નેતાજીની 28 ફૂટ ઊંચી પ્રતિમાનું અનાવરણ કર્યું, જેનું વજન 65 મેટ્રિક ટન છે.