Gold Price Today: ધરખમ વધારા બાદ આજે સોનાનો ભાવ ઘટ્યો, જાણો 22 અને 24 કેરેટની કિંમત
કેટલાક વિશ્લેષકો માને છે કે આગામી અઠવાડિયામાં સોનાના ભાવમાં મોટો વધારો થઈ શકે છે. જોકે, વૈશ્વિક બજારની સ્થિતિ, ડોલર સૂચકાંક, વ્યાજ દરો અને ભૂ-રાજકીય ઘટનાઓ ભાવને અસર કરતી રહેશે, જેના કારણે અસ્થિરતા ચાલુ રહી શકે છે.

શ્રાવણ મહિનો ચાલી રહ્યો છે. શ્રાવણની શરુઆતની સાથે જ બુલિયન બજારમાં સોના-ચાંદીના ભાવમાં વધઘટ જોવા મળી રહી છે. તેમજ રક્ષાબંધન પછી સોનાના ભાવએ રેકોર્ડ તોડી નાખ્યો હતો. જોકે સોનામાં ધરખમ વધારા બાદ આજે 11 ઓગસ્ટે બજાર ખુલતાની સાથે જ સોનાના ભાવમાં થોડો ઘટાડો નોંધાયો છે. જ્યારે ચાંદીના ભાવમાં પણ વધઘટ જોવા મળી હતી. આવી સ્થિતિમાં, ચાલો જાણીએ તમારા શહેરમાં સોનાનો ભાવ કેટલે પહોંચ્યોં છે?

દિલ્હીમાં 10 કેરેટ સોનાનો ભાવ એ તમામ રેકોર્ડ તોડી નાખ્યો છે. આજે 24 કેરેટ સોનાનો ભાવ 1,03,180 રૂપિયા પર પહોંચી ગયો છે. 22 કેરેટનો ભાવ 94,590 રૂપિયા પર છે. આજે 22 અને 24 કેરેટ સોનાના ભાવમાં માત્ર 10 રુપિયાનો ઘટાડો નોંધાયો છે.

હાલમાં, મુંબઈ, ચેન્નાઈ અને કોલકાતામાં 22 કેરેટ સોનાનો ભાવ પ્રતિ 10 ગ્રામ 94,440 રૂપિયા છે, જ્યારે 24 કેરેટ સોનાનો ભાવ પ્રતિ 10 ગ્રામ 1,03,030 રૂપિયા છે.

આ સાથે અમદાવાદ, સુરત, રાજકોટ, અને વડોદરામાં 22 કેરેટ સોનાનો ભાવ 94,490 રૂપિયા છે. 24 કેરેટ સોનાનો ભાવ પ્રતિ 10 ગ્રામ 1,03,080 રૂપિયા છે.

અન્ય કિંમતી ધાતુ ચાંદીની વાત કરીએ તો, છેલ્લા અઠવાડિયા દરમિયાન વધઘટ જોવા મળ્યા પછી, આજે 11 ઓગસ્ટના રોજ ચાંદીના ભાવમાં પણ 100 રુપિયાનો ધટાડો નોંધાયો છે. આજે ચાંદી 1,16,900 રૂપિયા પ્રતિ કિલોગ્રામ પર પહોંચી ગઈ છે.

અમેરિકન રાષ્ટ્રપતિ ડોનાલ્ડ ટ્રમ્પ દ્વારા ભારતીય આયાત પર 25% વધારાનો ટેરિફ લાદવામાં આવ્યા પછી સલામત રોકાણની માંગમાં નવા ઉછાળા અને વેપાર તણાવ વધવાને કારણે ગુરુવારે સોનાના ભાવમાં વધારો થયો છે. સ્પોટ ગોલ્ડ 0.4% વધીને $3,380.76 પ્રતિ ઔંસ થયો. યુએસ ગોલ્ડ ફ્યુચર્સ 0.3% વધીને $3,443.30 થયો.

કેટલાક વિશ્લેષકો માને છે કે આગામી અઠવાડિયામાં સોનાના ભાવમાં મોટો વધારો થઈ શકે છે. જોકે, વૈશ્વિક બજારની સ્થિતિ, ડોલર સૂચકાંક, વ્યાજ દરો અને ભૂ-રાજકીય ઘટનાઓ ભાવને અસર કરતી રહેશે, જેના કારણે અસ્થિરતા ચાલુ રહી શકે છે.
ભારતના દરેક ઘરમાં સોનું અને ચાંદી અવશ્ય જોવા મળે છે લોકોનો સોના-ચાંદીને ઘરના દરેક શુભ પ્રસંગે ખરીદતા હોય છે, ત્યારે રોજનો સોના-ચાંદીનો ભાવ જાણવા અહીં ક્લિક કરો
