17,587 કરોડ રૂપિયામાં RCB ને ખરીદવા માંગે છે આ કંપનીઓ, એક પાસે પહેલાથી જ છે IPL ટીમ
IPL ને લઈને મોટા સમાચાર આવી રહ્યા છે. એવા અહેવાલો સામે આવી રહ્યા છે કે IPL 2025 ચેમ્પિયન રોયલ ચેલેન્જર્સ બેંગ્લોર વેચાઈ શકે છે. આ ઓફરને આગળ વધારવા માટે ઘણી કંપનીઓ આગળ આવી છે.

IPL 2025 ચેમ્પિયન RCB નવા માલિકની શોધમાં છે. ફ્રેન્ચાઈઝીનું મૂલ્ય હાલમાં આશરે $2 બિલિયન (રૂ. 17,587 કરોડ) છે. છ કંપનીઓએ ફ્રેન્ચાઈઝી ખરીદવામાં રસ દર્શાવ્યો છે. જો RCBની પેરેન્ટ કંપની ડિયાજિયો ગ્રેટ બ્રિટન વેચવાનું નક્કી કરે છે, તો આ કંપનીઓ વચ્ચે ટીમ ખરીદવા સ્પર્ધા થઈ શકે છે, જેમાં એક એવી કંપનીનો પણ સમાવેશ થાય છે જે પહેલાથી જ IPL ટીમની માલિકી ધરાવે છે.

અહેવાલો અનુસાર, એવું માનવામાં આવે છે કે ડિયાજિયો છેલ્લી ઘડીએ પોતાનો વિચાર બદલી શકે છે, જોકે એવી અટકળો છે કે કંપનીના શેરધારકો IPL ટીમ સાથે ડીલ ચાલુ રહેવાથી ખૂબ ખુશ નથી. RCB ખરીદવા માટે ડિયાજિયો સાથે વાટાઘાટો કરી રહેલ કંપનીઓમાં અદાણી ગ્રુપ, JSW ગ્રુપ અને અદાર પૂનાવાલા સામેલ છે.

અમેરિકા સ્થિત બે ખાનગી ઈક્વિટી કંપનીઓ પણ રસ દાખવી રહી છે, જ્યારે દિલ્હીના એક ઉદ્યોગપતિ પણ આ રેસમાં જોડાયા છે. પૂનાવાલા પરિવાર અગાઉ IPL ટીમ ખરીદવાની રહી ગયા હતા.

IPLમાં અદાણી ગ્રુપનો રસ કોઈથી છૂપો નથી. 2022માં BCCIએ બે નવી ટીમો વેચી ત્યારે અદાણી ગ્રુપ અમદાવાદ ટીમ ખરીદવાથી સહેજ માટે રહી ગયું હતું. જિંદાલ ગ્રુપ દિલ્હી કેપિટલ્સમાં 50 ટકા હિસ્સો ધરાવે છે અને જો તે RCB માટે બોલી લગાવે છે તો તેમણે DC છોડવી પડશે.

RCB ખરીદવામાં સૌથી મોટું પરિબળ તેની કિંમત છે. Diageo US$2 બિલિયન બોલી લગાવી રહ્યું છે, અને IPL ફ્રેન્ચાઈઝીની આટલી મોટી કિંમત આપી શકાય કે નહીં તે મોટો સવાલ છે. જો કે JioStar ની 500 મિલિયન સબ્સ્ક્રાઈબર્સ પુરા થયાની જાહેરાત RCBની કિંમતમાં વધારો કરી શકે છે.

અહેવાલો અનુસાર ડિયાજિયોએ વેચાણ અંગે સલાહ આપવા માટે સિટી સહિત બે ખાનગી બેંકોને રાખ્યા છે. આ વ્યવહાર પૂર્ણ થશે કે નહીં તે હજુ સ્પષ્ટ નથી, કારણ કે ડિયાજિયોની ભારતીય કંપની તેના પક્ષમાં નથી. કેટલાક અધિકારીઓ આ બાબતે ચર્ચા કરવા યુકે પણ ગયા હતા. (PC: PTI)
IPL 2025 ચેમ્પિયન RCB ને ખરીદવા અનેક મોટી કંપનીઓ રેસમાં છે. રોયલ ચેલેન્જર્સ બેંગ્લોર સાથે જોડાયેલ તમામ સમાચાર વાંચવા અહીં ક્લિક કરો
