થાઈલેન્ડની ધરતી પર ગુજરાત ATSની સર્જિકલ સ્ટ્રાઈક! સુરતના શખ્સે મોકલેલો 14 કિલો નશીલી દવાનો જથ્થો વિદેશમાં સીઝ – જુઓ Video

ગુજરાત ATS દ્વારા નશીલી દવાઓના આંતરરાષ્ટ્રીય ષડયંત્રનો પર્દાફાશ કરવામાં આવ્યો છે. એર કાર્ગો દ્વારા નશીલી દવા મોકલવાના આ નેટવર્કમાં જોડાયેલ સુરતના નિકુંજ ગઢિયાની ATS દ્વારા ધરપકડ કરવામાં આવી છે. આ કાર્યવાહી દરમિયાન ATS એ 4 કિલોથી વધુ દવાનો જથ્થો કબજે કર્યો છે, જેની આંતરરાષ્ટ્રીય બજારમાં કિંમત પ્રતિ કિલો 4 થી 5 હજાર ડોલર જેટલી છે.

તપાસમાં સામે આવ્યું છે કે, આરોપી ફાર્મસી દવાના સેમ્પલ તરીકે ખોટી જાહેરાત કરી આ જથ્થો થાઈલેન્ડ અને મલેશિયાના ડ્રગ કાર્ટેલને મોકલતો હતો. મલેશિયા અને થાઈલેન્ડમાં આ દવાનો ઉપયોગ નશા માટે કરવામાં આવે છે.

નોંધનીય છે કે, ભારતમાં આ દવા પર પ્રતિબંધ નથી પરંતુ તેની નિકાસ કરવા માટે પરવાનગી લેવી જરૂરી છે, જ્યારે થાઈલેન્ડમાં તેનું વેચાણ કે ખરીદી સંપૂર્ણપણે ગેરકાયદેસર છે. ATS એ થાઈલેન્ડમાં પણ 14 કિલો જેટલો જથ્થો સીઝ કરાવ્યો છે અને આરોપીને પકડીને આગળની તપાસ તેજ કરી છે.