War Breaking News : ઈરાન Middle East માં હારી ગયું! આજે મોટો હુમલો થવાની શક્યતા… ટ્રમ્પે આપી બીજી ધમકી, જાણો

અમેરિકાના પૂર્વ રાષ્ટ્રપતિ Donald Trumpએ ઈરાનને ફરી એકવાર કડક ચેતવણી આપી છે. તેમણે કહ્યું છે કે જો ઈરાન શરણાગતિ સ્વીકારશે નહીં તો આજે મોટા પાયે હુમલો કરવામાં આવી શકે છે. ટ્રમ્પના જણાવ્યા અનુસાર, આ હુમલામાં એવા વિસ્તારો અને લોકો પણ નિશાન બની શકે છે જેમને અત્યાર સુધી ટાર્ગેટ કરવામાં આવ્યા નથી. તેમણે દાવો કર્યો કે ઈરાનના વર્તનને ધ્યાનમાં રાખીને કેટલાક વિસ્તારોના સંપૂર્ણ વિનાશ અને લોકો સામે કડક કાર્યવાહી અંગે ગંભીરતાથી વિચારણા થઈ રહી છે.

ટ્રમ્પે વધુમાં કહ્યું કે ઈરાન હવે મધ્ય પૂર્વમાં પ્રભુત્વ ધરાવતો દેશ રહ્યો નથી. તેમના મતે, ઈરાન હાલ નબળી સ્થિતિમાં છે અને તે એક હારતો દેશ બની ગયો છે. ટ્રમ્પે પોતાના સોશિયલ મીડિયા પ્લેટફોર્મ Truth Social પર લખ્યું હતું કે જ્યાં સુધી ઈરાન શરણાગતિ સ્વીકારશે નહીં અથવા તેનું શાસન સંપૂર્ણપણે નબળું નહીં પડે, ત્યાં સુધી તેની સ્થિતિમાં સુધારો થવાનો નથી.

ટ્રમ્પે પોતાના નિવેદનમાં ઈરાનના રાષ્ટ્રપતિ Masoud Pezeshkianના નિવેદનનો પણ ઉલ્લેખ કર્યો હતો. પેઝેશ્કિયાને તાજેતરમાં મધ્ય પૂર્વના પડોશી દેશો સામે નિવેદન આપતાં કહ્યું હતું કે ઈરાન કોઈ દેશ પર પહેલો હુમલો નહીં કરે. આ સાથે તેમણે પડોશી દેશો સામે માફી પણ માંગી હોવાનું જણાવાયું છે. ટ્રમ્પે દાવો કર્યો કે અમેરિકા અને ઇઝરાયલ તરફથી સતત થઈ રહેલા હુમલાના દબાણને કારણે ઈરાનને આ પગલું ભરવું પડ્યું છે.

ઈરાન પણ વિવિધ રીતે આપી રહ્યું છે જવાબ..

મધ્ય પૂર્વમાં હાલ તણાવપૂર્ણ પરિસ્થિતિ સર્જાઈ છે. અહેવાલો મુજબ દુબઈ ઇન્ટરનેશનલ એરપોર્ટ નજીક એક ડ્રોન ક્રેશ થવાની ઘટના સામે આવી છે. ઉપરાંત સાઉદી અરેબિયા, બહેરીન અને કતારમાં પણ હુમલાના અહેવાલો મળ્યા છે, જેના કારણે સમગ્ર વિસ્તારમાં ચિંતા વધતી જોવા મળી રહી છે. અમેરિકા અને ઇઝરાયલ પહેલાથી જ ઈરાન પર વારંવાર લશ્કરી કાર્યવાહી કરી રહ્યા છે, જ્યારે ઈરાન પણ વિવિધ રીતે તેનો જવાબ આપી રહ્યું છે.

આ સંજોગોમાં યુદ્ધ કેટલો સમય ચાલશે તે અંગે સ્પષ્ટતા નથી. ટ્રમ્પ વહીવટીતંત્રે ઇઝરાયલને 151 મિલિયન ડોલરના નવા હથિયારોના વેચાણને પણ મંજૂરી આપી હોવાનું કહેવાય છે. ટ્રમ્પે જણાવ્યું છે કે જ્યાં સુધી ઈરાન બિનશરતી શરણાગતિ સ્વીકારશે નહીં, ત્યાં સુધી અમેરિકા તેની સાથે કોઈ પ્રકારની વાટાઘાટ કરશે નહીં. અમેરિકન અધિકારીઓએ પણ ચેતવણી આપી છે કે ટૂંક સમયમાં મોટા પાયે બોમ્બમારો શરૂ થઈ શકે છે, જે હાલ ચાલી રહેલા સંઘર્ષમાં અત્યાર સુધીનો સૌથી તીવ્ર હુમલો બની શકે છે.