જમીન પર 12 વર્ષ સુધી કબજો રાખનારને હક્ક મેળવવાનો અધિકાર : સુપ્રીમ કોર્ટ

જો કોઈ માલિક 12 વર્ષ સુધી તેમની સ્થાવર મિલકત પર કલેમ નથી કરતા તો તેમનો માલિકી હક ખત્મ થઈ જાય છે અને વર્તમાનમાં જે વ્યક્તિ તે જમીન પર સ્થાયી થયેલો હોય તો તેની માલિકી થઈ જાય છે. સુપ્રીમ કોર્ટે પોતાના નિર્ણયમાં આ વાત કહી છે પણ કોઈ વ્યક્તિ સાર્વજનિક જમીન પર કબ્જો કરે છે તો આ અધિકાર મળતો નથી.

સુપ્રીમ કોર્ટે વ્યવસ્થા આપી છે કે કબ્જેદાર વ્યક્તિ તે જમીન કે સંપતિના અધિકાર લેવાનો દાવો કરી શકે છે. 12 વર્ષ કે તેથી વધારે સમયથી કોઈ વિક્ષેપ વગર તેના કબ્જામાં છે. સુપ્રીમ કોર્ટે કહ્યું કે જો આવા કોઈ વ્યક્તિને આ જમીનથી કાઢી નાખવામાં આવે તો તે મૂળ માલિકની જેમ તે જમીનની રક્ષા કરી શકે છે.

લિમિટેશન એક્ટ 1963 હેઠળ પ્રાઈવેટ જમીન પર આ મર્યાદા 12 વર્ષની છે. જ્યારે સાર્વજનિક જમીન પર 30 વર્ષની છે. અરૂણ મિશ્રા, એસ.અબ્દુલ નઝીર અને એમ.આર.શાહની બેન્ચે કહ્યું કે કાયદો 12 વર્ષ સુધી કોઈ માલિકને તેમની મિલકત પર હક્ક કરવાનો અધિકાર આપે છે. તેથી જો કોઈ જમીનને લઈને વિવાદ છે તો 12 વર્ષ દરમિયાન કેસ ફાઈલ કરીને તેને પાછી મેળવી શકાય છે.

બેન્ચે કહ્યું કે જો કોઈ વ્યક્તિ 12 વર્ષ સુધી કોઈ મિલકત પર રહેઠાણ કરી રહ્યા છે તો તેને કાયદો કાઢી નથી શકતો. એટલુ જ નહી 12 વર્ષ પૂરા થઈ ગયા પછી મિલકતના પ્રથમ માલિકની પાસે પણ તેને કાઢવાનો અધિકાર રહેતો નથી અને વર્તમાનમાં રહેલા વ્યક્તિની પાસે માલિકી હક્ક જતો રહે છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

[yop_poll id=”1″]

જસ્ટિસ મિશ્રાની પીઠે કહ્યું કે લિમિટેશન એક્ટ 1963ની કલમ 65માં એ કહેવામાં આવ્યુ નથી કે કબજો કરનાર વ્યક્તિ તેમની જમીનને બચાવવા માટે કેસ દાખલ નથી કરી શકતો પણ તે વ્યક્તિ કબ્જો બચાવવા માટે કેસ દાખલ કરી શકે છે અને કબ્જે કરેલી જમીનનો અધિકાર પણ જાહેર કરવાનો દાવો પણ કરી શકે છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]