મહારાષ્ટ્રમાં સીટોની વહેંચણી નક્કી ! જાણો શરદ…ઉદ્ધવ…કોંગ્રેસ…કોને કેટલી બેઠકો મળી?
કોંગ્રેસની સ્ક્રીનિંગ કમિટીએ મંગળવારે પાર્ટી હેડક્વાર્ટરમાં બેઠક યોજી હતી અને પાર્ટીના ઉમેદવારોના નામ પર ચર્ચા કરી હતી. પાર્ટીની સેન્ટ્રલ ઇલેક્શન કમિટી આજે એટલે કે 20 માર્ચ મહારાષ્ટ્રમાંથી તેના ઉમેદવારો અંગે ચર્ચા કરવા અને તેમના નામ ફાઇનલ કરવા માટે બેઠક કરશે.
કોંગ્રેસ શિવસેના (UBT) અને શરદ પવારના NCP જૂથ સાથે ગુરુવાર, 21 માર્ચે મહારાષ્ટ્રમાં બેઠક વહેંચણી કરારને અંતિમ રૂપ આપશે. આ અંગે કોંગ્રેસે ગઠબંધન માટે 23-14-6ની ફોર્મ્યુલા પર ચર્ચા કરી હતી. જો પ્રકાશ આંબેડકર આવશે તો તેમની પાર્ટીને ગઠબંધનમાં 4 બેઠકો મળશે. જો તે ગઠબંધન છોડે તો કોંગ્રેસને વધુ 4 બેઠકો મળશે.
શિવસેના (યુબીટી) 23 બેઠકો પર ચૂંટણી લડે તેવી શક્યતા
સૂત્રોએ જણાવ્યું હતું કે, વિવિધ સાથી પક્ષો સાથે અત્યાર સુધીની ચર્ચાઓ મુજબ શિવસેના (યુબીટી) 23 બેઠકો પર ચૂંટણી લડે તેવી શક્યતા છે અને એનસીપીનો શરદ પવાર જૂથ છ બેઠકો પર તેના ઉમેદવારો ઉભા કરશે. જ્યારે કોંગ્રેસને 19 બેઠકો મળશે. સીટ વહેંચણીની અંતિમ જાહેરાત 21 માર્ચે મુંબઈમાં થવાની શક્યતા છે. જો કે અંતિમ ચર્ચામાં એક-બે બેઠકો વધશે કાં તો ઘટશે.
પ્રકાશ આંબેડકરે કોંગ્રેસ નેતૃત્વને પત્ર લખ્યો હતો
તેમણે કહ્યું કે મહારાષ્ટ્રમાં મહા વિકાસ અઘાડી (MVA)ના નેતાઓ વચ્ચે વાતચીત ચાલી રહી છે અને ગુરુવાર સુધીમાં અંતિમ ફોર્મ્યુલાની જાહેરાત કરવામાં આવે તેવી શક્યતા છે.
સૂત્રોના જણાવ્યા અનુસાર પ્રકાશ આંબેડકરે કોંગ્રેસ નેતૃત્વને પત્ર લખીને કહ્યું છે કે તેમની વંચિત બહુજન અઘાડી સાત લોકસભા બેઠકો પર પાર્ટીને બહારથી સમર્થન આપશે. વંચિત બહુજન આઘાડી MVA નો ભાગ નથી.
કેન્દ્રીય ચૂંટણી સમિતિની આજે બેઠક
કોંગ્રેસની સ્ક્રીનિંગ કમિટીએ મંગળવારે પાર્ટી હેડક્વાર્ટરમાં બેઠક યોજી હતી અને પાર્ટીના ઉમેદવારોના નામ પર ચર્ચા કરી હતી. પાર્ટીની સેન્ટ્રલ ઇલેક્શન કમિટી આજે મહારાષ્ટ્રમાંથી તેના ઉમેદવારો અંગે ચર્ચા કરવા અને તેમના નામ ફાઇનલ કરવા માટે બેઠક કરશે. મહારાષ્ટ્રમાં લોકસભાની 48 બેઠકો છે, જે ઉત્તર પ્રદેશ (80 બેઠકો) પછી સૌથી વધુ છે.
