Sonu Sood : ઈન્ડિયન આર્મી જવાનોએ આપ્યું સોનુ સુદને સમ્માન, હિમાલય પર લખ્યું એક્ટરનું નામ
Sonu Sood : બોલિવૂડ એક્ટર સોનુ સૂદ (Sonu Sood) હંમેશા તેના ફેન્સનો પ્રેમ મેળવે છે. આ દરમિયાન અભિનેતાએ એક તસવીર શેર કરી છે, જેણે બધાનું ધ્યાન ખેંચ્યું છે.
બોલિવૂડ એક્ટર સોનુ સૂદ (Sonu Sood) તેના કામની સાથે-સાથે તેની ઉદારતા માટે પણ જાણીતો છે. અભિનેતાએ છેલ્લા કેટલાક વર્ષોમાં એવું કર્યું છે જે આજ સુધી બોલિવૂડના કોઈ અભિનેતાએ કર્યું નથી. સોનુ સૂદ રોગચાળા દરમિયાન લોકો માટે મસીહા તરીકે ઉભરી આવ્યો હતો. તેણે ખુલ્લા દિલથી દરેકને મદદ કરી છે. લોકો માટે દિવસ-રાત કામ કર્યું. હવે સોનુ સૂદ માત્ર એક એક્ટર નથી, પરંતુ હવે તે કેટલાક લોકો માટે ભગવાનથી ઓછો નથી.
ઘણીવાર તેના ચાહકો તેનો આભાર કહેવાનો રસ્તો શોધતા રહે છે. આ દરમિયાન ફરી એકવાર તેમનું સન્માન કરવામાં આવ્યું છે. ભારતીય સેનાના જવાનોએ હિમાલય પર સોનુ સૂદનું નામ લખ્યું છે. સોનુએ પોતે આ ખાસ પળની તસવીર પોતાના સોશિયલ મીડિયા એકાઉન્ટ પર પોસ્ટ કરી છે. જેને ખૂબ પસંદ કરવામાં આવી રહ્યું છે. અભિનેતાએ આ તસવીર ઈન્સ્ટાગ્રામ પર પોસ્ટ કરી છે. તસવીરમાં જોઈ શકાય છે કે, ભારતીય સેનાના કેટલાક જવાનોએ બરફ પર રિયલ હીરો સોનુ સૂદ લખ્યું છે.
જુઓ પોસ્ટ…
View this post on Instagram
આ તસવીર શેર કરતાં સોનુ સૂદે કેપ્શનમાં લખ્યું કે, હિમાલયમાં ક્યાંક આ તસવીરોએ મારું મન બનાવી લીધું. વિનમ્ર, મારી પ્રેરણા, ભારતીય સેના. સેનાના જવાનો દ્વારા આપવામાં આવેલું આ સમ્માન સોનુ સૂદના હૃદયને સ્પર્શી ગયું છે. આ તસવીર પરથી એક વાત સ્પષ્ટ થાય છે કે, આ જવાનોનો ફેવરિટ એક્ટર સોનુ છે. ચાહકો પણ આ પોસ્ટ પર તેમનો અપાર પ્રેમ વરસાવી રહ્યા છે. અભિનેતાના ચાહકો પણ કોમેન્ટ કરી રહ્યા છે અને જોરદાર પસંદ કરી રહ્યા છે.
તમને જણાવી દઈએ કે, સોનુ સૂદે લોકડાઉન દરમિયાન લાખો લોકોની મદદ કરી હતી. લોકડાઉનના કારણે અલગ-અલગ જગ્યાએ અટવાયેલા તમામ લોકોને તે ઘરે પહોંચાડ્યા હતા. આ સિવાય તે અને તેની ટીમે દરેકની મુસાફરી અને ખાવા-પીવાનો સંપૂર્ણ ખર્ચ પણ ઉઠાવ્યો હતો. આટલું જ નહીં, અભિનેતાએ ઘણા હેલ્પલાઈન નંબર પણ જાહેર કર્યા હતા. જેના દ્વારા લોકો તેને મદદ માટે વિનંતી કરતા હતા.
