આ રાજ્યમાં યુરિયામાં સબસિડીનો લાભ મળતો નથી, અનેક ખેડૂતો મુશ્કેલીમાં

લાંબા સમયથી ખાતરની (fertilizer)અછતનો સામનો કરી રહેલા ઓડિશાના (Odisha) ખેડૂતોની (Farmers) સમસ્યાઓ હવે સમાપ્ત થઈ ગઈ છે. કેન્દ્ર દ્વારા રાજ્યને યુરિયાનો સપ્લાય કરવામાં આવ્યો છે, રાજ્યના મુખ્યમંત્રી નવીન પટનાયકે યુરિયાના પુરવઠા માટે કેન્દ્રનો આભાર માન્યો છે અને કહ્યું છે કે હવે રાજ્યના ખેડૂતોએ ચિંતા કરવાની જરૂર નથી. કારણ કે રાજ્ય પાસે પૂરતો સ્ટોક છે. જોકે રાજ્યમાં કૃત્રિમ અછતના કારણે ખેડૂતોને ખાતર ઊંચા ભાવે ખરીદવાની ફરજ પડી રહી છે.

ઓડિશાની એક વેબસાઈટ અનુસાર, એવું કહેવામાં આવ્યું છે કે ઓડિશાના બાલાંગિરમાં 45 કિલો યુરિયાની થેલીની કિંમત 500 રૂપિયા છે જ્યારે તેની સબસિડીવાળી કિંમત 266.50 રૂપિયા પ્રતિ થેલી છે. ખરીફ સિઝનમાં, પાકની ખેતી માટે 22,000 મેટ્રિક ટન યુરિયાની જરૂર હતી, જેની સરખામણીએ જિલ્લાને 30,000 મેટ્રિક ટન યુરિયા પ્રાપ્ત થયો હતો.

જિલ્લામાં યુરિયાનો બફર સ્ટોક છે

જિલ્લા પાસે યુરિયાનો બફર સ્ટોક હોવા છતાં ખેડૂતોને ઉંચા ભાવ આપીને યુરિયા ખરીદવો પડે છે. ખેડૂતોને સબસિડી મળવાને બદલે પ્રતિ થેલી 200 રૂપિયા વધુ ચૂકવવા પડે છે.આ સ્થિતિ માત્ર બાલાંગિરના ખેડૂતોને જ નથી. રાજ્યભરના ખેડૂતોને ઉંચા ભાવે યુરિયા ખરીદવાની ફરજ પડી રહી છે.

એજન્સીઓ પ્રમાણિકતાથી કામ કરતી નથી

રાજ્યને તેની માસિક જરૂરિયાત કરતાં વધુ યુરિયા મળી રહ્યું છે. એક ખેડૂતે આક્ષેપ કર્યો હતો કે વર્તમાન અછત સરકાર દ્વારા બનાવવામાં આવી છે. કારણ કે તેણે ખાતરના વેચાણ માટે નોંધાયેલ એજન્સીઓ દ્વારા કરવામાં આવતી અપ્રમાણિકતા તરફ આંખ આડા કાન કર્યા છે. એકવાર ખાતરો જિલ્લાઓમાં પહોંચી જાય પછી, રાજ્ય સહકારી માર્કેટિંગ ફેડરેશન લિમિટેડ (માર્કફેડ-ઓડિશા) ખેડૂતો માટે 50 ટકા ખાતર પ્રાથમિક કૃષિ સહકારી મંડળીઓ (PACS) અને મોટા વિસ્તારની બહુહેતુક સંસ્થાઓ(LAMPS)ને સબસિડી કિંમતે સપ્લાય કરે છે. બાકીના 50 ટકા ખાનગી એજન્સીઓ દ્વારા વેચવામાં આવે છે.

માર્કફેડનું કરોડોનું લેણું છે

અગાઉ, PACS અને LAMPS લેટર ઓફ ક્રેડિટ સબમિટ કરીને માર્કફેડ પાસેથી ખાતર ઉપાડતા હતા. તેઓ તેને ખેડૂતોને વેચીને બેંકોમાં જમા કરાવે છે અને બેંકો માર્કફેડને પૈસા આપે છે. જો કે, આ સહકારી સંસ્થાઓએ માર્કફેડને રૂ. 100 કરોડથી વધુનું દેવું છે, ત્યારબાદ તેણે આ વર્ષથી એડવાન્સ પેમેન્ટ વિના સપ્લાય બંધ કરી દીધો છે. મોટા ભાગના પેક અને લેમ્પ્સે એડવાન્સ પેમેન્ટ સાથે યુરિયાની ખરીદી કરી નથી અને ખાનગી એજન્સીઓ દ્વારા બ્લેક માર્કેટિંગનો મોકો ઝડપી લીધો છે. નોંધનીય છે કે ઓડિશામાં યુરિયાની અછતને કારણે ખેડૂતોને ખેતી કરવામાં મુશ્કેલીનો સામનો કરવો પડી રહ્યો હતો. ખેતીના સમાચાર અહીં વાંચો.