આધાર કાર્ડને લઈને મોટા સમાચાર, નોંધણીથી લઈને અપડેટ સુધીના નિયમો બદલાયા
નવા નિયમોને કારણે હવે આધાર કાર્ડમાં ડેમોગ્રાફિક ડેટા જેમ કે નામ, સરનામું વગેરે અપડેટ કરવાનું પહેલા કરતા વધુ સરળ બનશે. નવા નિયમોમાં પણ તમે આધાર બે રીતે અપડેટ કરાવી શકો છો. તમે તેને ઓનલાઈન વેબસાઈટ દ્વારા અથવા એનરોલમેન્ટ સેન્ટરની મુલાકાત લઈને અપડેટ કરી શકો છો.
યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI)એ આધારની નોંધણી અને આધાર અપડેટ નિયમોમાં ફેરફાર સંબંધિત સૂચના બહાર પાડી છે. આધારની નોંધણી અને અપડેટ માટે નવા ફોર્મ જારી કરવામાં આવ્યા છે. જો કોઈ વ્યક્તિ આધાર અપડેટ કરવા અથવા નવું આધાર બનાવવા જાય તો તેણે હવે નવું ફોર્મ ભરવું પડશે. NRI માટે અલગ ફોર્મ બહાર પાડવામાં આવ્યું છે.
નવા નિયમોને કારણે હવે આધાર કાર્ડમાં ડેમોગ્રાફિક ડેટા જેમ કે નામ, સરનામું વગેરે અપડેટ કરવાનું પહેલા કરતા વધુ સરળ બનશે. નવા નિયમોમાં પણ તમે આધાર બે રીતે અપડેટ કરાવી શકો છો. તમે તેને ઓનલાઈન વેબસાઈટ દ્વારા અથવા એનરોલમેન્ટ સેન્ટરની મુલાકાત લઈને અપડેટ કરી શકો છો.
હવે ઘણી માહિતી ઓનલાઈન અપડેટ કરી શકાશે
જૂના નિયમો હેઠળ ઓનલાઈન મોડમાં એડ્રેસ અને અન્ય કેટલીક માહિતી અપડેટ કરવાની સુવિધા હતી. અન્ય બાબતોને અપડેટ કરવા માટે, વ્યક્તિએ એનરોલમેન્ટ સેન્ટર પર જવું પડતું હતું, પરંતુ આ નવા નિયમ હેઠળ હવે ઘણી માહિતી ઓનલાઈન પણ અપડેટ કરી શકાશે. ભવિષ્યમાં એવી પણ શક્યતા છે કે મોબાઈલ નંબર ઓનલાઈન પણ અપડેટ થઈ શકે છે.
હાલના ફોર્મની બદલીને નવું ફોર્મ બહાર પાડવામાં આવ્યું
આધાર માટે નોંધણી અને આધાર વિગતો અપડેટ કરવા માટેના હાલના ફોર્મની બદલીને નવું ફોર્મ બહાર પાડવામાં આવ્યું છે. નવા ફોર્મ 1નો ઉપયોગ 18 વર્ષ અને તેથી વધુ વયના રેસિડેન્ટ અને નોન-રેસિડેન્ટ વ્યક્તિઓ માટે આધાર નોંધણી માટે કરવામાં આવશે. સમાન શ્રેણીના લોકો માહિતી અપડેટ કરવા માટે સમાન ફોર્મનો ઉપયોગ કરશે.
NRI માટે અલગ ફોર્મ હશે
NRI કે જેમની પાસે ભારતની બહાર સરનામાનો પુરાવો છે, ફોર્મ 2નો ઉપયોગ નોંધણી અને અપડેટ માટે કરવામાં આવશે. માત્ર ભારતીય સરનામું ધરાવતા NRI, જેમની ઉંમર 5 વર્ષથી 18 વર્ષની વચ્ચે છે, તેઓ ફોર્મ 3 નો ઉપયોગ કરી શકે છે. ફોર્મ 4 નો ઉપયોગ NRIના બાળકો વિદેશી સરનામા સાથે કરી શકે છે. એ જ રીતે, વિવિધ કેટેગરી માટે ફોર્મ 5,6,7,8 અને 9 જારી કરવામાં આવ્યા છે.
આ પણ વાંચો Reliance Profit: રિલાયન્સે મારી મોટી છલાંગ, 90 દિવસમાં કર્યો 17 હજાર કરોડથી વધુનો નફો
