રોહિત શેટ્ટી

બોલિવૂડના ફેમસ ડાયરેક્ટર રોહિત શેટ્ટીનો જન્મ 14 માર્ચ 1973ના રોજ થયો હતો. આ ડાયરેક્ટરની ફિલ્મના લોકો દીવાના છે. તેમના પિતા એમ બી શેટ્ટી છે. તેઓ પણ હિન્દી અને કન્નડ ફિલ્મોના જાણીતા ફાઈટ માસ્ટર રહ્યાં છે. તેમણે ઘણી મુવીમાં અભિનય પણ કર્યો છે. રોહિતને નાનપણથી જ મુવીનો શોખ રહ્યો છે. તેઓ શરુઆતથી જ ડાયરેક્ટર બનવા માંગતા હતા.

આ ફેમસ ડાયરેક્ટરે માત્ર 17 વર્ષની ઉંમરે જ આસિસ્ટન્ટ ડાયરેક્ટર તરીકે ફૂલ ઔર કાંટેથી કામ કરવાનું શરુ કર્યું હતું. કરિયરની શરૂઆતથી જ અજયની ફિલ્મો સાથે જોડાયેલો હતો. તેથી બંને વચ્ચે પહેલેથી સારી એવી મિત્રતા છે.

રોહિત શેટ્ટીએ ગોલમાલ, ગોલમાલ રિટર્ન્સ, સિંઘમ, ચેન્નઈ એક્સપ્રેસ તેમજ દિલવાલે વગેરે જેવી મુવી બનાવી છે. દરેક મુવી હિટ સાબિત થઈ છે. રોહિત શેટ્ટી ખતરોં કે ખિલાડી શોને જજ કરી રહ્યા છે. તેને ફોર વ્હીલર સાથે ખાસ લગાવ છે. તેથી તેની કોઈ પણ મુવી હોય કે રિયાલિટી શો હોય, તેમાં આપણને અચુકપણે ફોર વ્હીલરના સ્ટંટ જોવા મળતા રહે છે.