Breaking News : વડોદરાના આસોજ ગામમાં નકલી નોટ છાપવાનું રેકેટ ઝડપાયું,જુઓ વીડિયો
તમે નકલી ધી, પનીર કે પછી નકલી ખાણી-પીણીની વસ્તુઓ વિશે તો વાત સાંભળી હશે. પરંતુ વડોદરાના સાવલીના આસોજ ગામમાંથી નકલી નોટ છાપવાનું રેકેટ ઝડપાયું છે. આ સમગ્ર મામલે પોલીસ હાલ તપાસ હાથ ધરી રહી છે.
તમારા ખિસ્સામાં રહેલી 500 રુપિયાની નોટ અસલી છે કે નકલી ચેક કરી લેજો,કારણ કે, વડોદરા શહેરના સાવલીના આસોજ ગામમાં નકલી નોટના રેકેટનો પર્દાફાશ થયો છે.એલસીબીની ટીમે દરોડા પાડીને 2 આરોપીઓની ધરપકડ કરી છે. આરોપીઓ ભાડે મકાન રાખીને દિવસ રાત નકલી નોટો છાપતા હતા. એટલું જ નહી આ આરોપીઓ 50,100 નહી પરંતુ 500 રુપિયાની નકલી નોટો છાપતા હતા. આરોપીઓ પાસેથી મોટી સંખ્યામાં નકલી નોટોનો જથ્થો મળી આવ્યો છે.
બનાવટી ચલણી નોટો કબજે
નકલી નોટ છાપવાનું કલર પ્રિન્ટર અને શાહી પણ ઝપ્ત કરવામાં આવી છે.નકલી ચલણી નોટો ક્યાં ક્યાં બજારમાં ફરતી કરી છે. તેના વિશે પણ તપાસ હાથ ધરવામાં આવશે.આ કૌંભાડની પાછળ મોટું નેટવર્ક પણ સામેલ છે કે નહી તે વિરુદ્ધ પણ તપાસ હાથ ધરાશે.પોલીસને બાતમી મળી હતી કે,એક મકાનમાં શંકાસ્પદ પ્રવૃતિ ચાલી રહી છે. જેના આધારે પોલીસની ટીમે દરોડા પાડતા નકલી નોટ છાપવાનું રેકેટ ઝડપાયું હતુ.આ સાથે પોલીસે આરોપીઓના મકાનમાંથી હજારો રુપિયાની બનાવટી ચલણી નોટો કબજે કરી છે.
વડોદરા એ ભારત દેશના પશ્ચિમ ભાગમાં આવેલા ગુજરાત રાજ્યના મધ્ય ભાગમાં આવેલું અને વિશ્વામિત્રી નદીને કિનારે વસેલું નગર છે. તેનું જૂનું નામ વટપદ્ર છે. વડોદરાનું નામ સંસ્કૃત ‘વટસ્ય ઉદરે’ ઉપરથી ઉતરી આવ્યું હોવાનું માનવામાં આવે છે અહી ક્લિક કરો
