બાબા સિદ્દીકી

એનસીપી નેતા બાબા સિદ્દીકી રાજનીતિ અને ફિલ્મ ઈન્ડસ્ટ્રીમાં એક મોટું નામ હતું. તેમનો જન્મ 13 સપ્ટેમ્બર 1958ના રોજ થયો હતો. 12 ઓક્ટોબર 2024ના રોજ ગોળી મારીને હત્યા કરવામાં આવી હતી. તેઓ 1999માં પ્રથમ વખત ધારાસભ્ય બન્યા હતા. બાંદ્રા પશ્ચિમ બેઠક પરથી ચૂંટણી જીત્યા બાદ તેઓ પ્રથમ વખત વિધાનસભા પહોંચ્યા હતા. જે બાદ તે વર્ષ 2004માં અને ફરી 2009માં જીત્યો હતો.

બાબા સિદ્દીકી એનસીપી પહેલા કોંગ્રેસમાં હતા. જોકે, આ વર્ષે જ તેઓ NCP અજીત પવાર જૂથમાં જોડાયા હતા. તેમની જેમ તેમનો પુત્ર જીશાન સિદ્દીકી પણ રાજકારણમાં છે. એક તરફ, તેઓ સતત ત્રણ ટર્મ સુધી બાંદ્રા પશ્ચિમથી ધારાસભ્ય રહ્યા, તો બીજી તરફ, તેમના તમામ બોલિવૂડ સ્ટાર્સ સાથે સારા સંબંધો હતા. સલમાન, શાહરૂખ, સંજય દત્ત સહિત ઘણા સ્ટાર્સ સાથે તેની અંગત મિત્રતા હતી.