Breaking News : નોટબંધીના 9 વર્ષ બાદ અમદાવાદ શહેરમાંથી રૂ. 89 લાખના કિંમતની જૂની ચલણી નોટ ઝડપાઈ

અમદાવાદ શહેરમાં 500 અને 1,000ના દરની જૂની ચલણી નોટ ઝડપાઈ છે. નરોડા પોલીસે રૂ.89 લાખ કિંમતની જૂની ચલણી નોટો ઝડપી પાડી છે.જૂની 1,000ના દરની 4,350 અને 500ના દરની 9,100 નોટ જપ્ત કરવામાં આવી છે. જૂની 1,000ના દરની રૂ.43.50 લાખની જૂની ચલણી નોટ ઝડપાઈ છે. 500ના દરની બંધ થયેલી રૂ.45.50 લાખની જૂની ચલણી નોટ ઝડપી છે. પોલીસે ગેલેક્ષી ચાર રસ્તા પાસેથી જૂની ચલણી નોટ સાથે કાર જપ્ત કરી પોલીસે હાથ ધરી તપાસ હાથ ધરી છે.

નકલી નોટોનો જથ્થો મળી આવ્યો

તમને જણાવી દઈએ કે, થોડા દિવસ પહેલા જ વડોદરા શહેરના સાવલીના આસોજ ગામમાં નકલી નોટના રેકેટનો પર્દાફાશ થયો હતો.એલસીબીની ટીમે દરોડા પાડીને 2 આરોપીઓની ધરપકડ કરી હતી. આરોપીઓ ભાડે મકાન રાખીને દિવસ રાત નકલી નોટો છાપતા હતા. એટલું જ નહી આ આરોપીઓ 50,100 નહી પરંતુ 500 રુપિયાની નકલી નોટો છાપતા હતા. આરોપીઓ પાસેથી મોટી સંખ્યામાં નકલી નોટોનો જથ્થો મળી આવ્યો હતો.

નોટબંધીના 9 વર્ષ

8 નવેમ્બર 2016ના રોજ વડાપ્રધાન નરેન્દ્ર મોદીએ દેશમાં નોટબંધીની જાહેરાત કરી હતી. આજે 2026માં પણ હજુ જૂની ચલણી નોટો પોલીસ ઝડપી રહી છે. અમદાવાદ શહેરમાંથી 500 અને 1,000ના દરની જૂની ચલણી નોટ ઝડપાઈ છે.નરોડા પોલીસે રૂ.89 લાખ કિંમતની જૂની ચલણી નોટો ઝડપી પાડી છે. 9 વર્ષ પછી પણ પોલીસ જૂની ચલણી નોટો ઝડપી રહી છે.

તમને જણાવી દઈએ કે 8 નવેમ્બર 2016ના રોજ વડાપ્રધાન નરેન્દ્ર મોદીએ દેશમાં નોટબંધીની જાહેરાત કરી હતી.આ પછી, તે જ દિવસે મધ્યરાત્રિથી દેશમાં 500 અને 1000 રૂપિયાની ચલણ પર પ્રતિબંધ મૂકવામાં આવ્યો હતો. જો કે આ પછી લોકોને બેંકમાંથી નોટો બદલવાની છૂટ આપવામાં આવી હતી.

અમદાવાદ શહેર ગુજરાત રાજ્યનું સૌથી મોટુ અને વસ્તી પ્રમાણે ભારતનું પાંચમા ક્રમનું શહેર છે. સાબરમતી નદીનાં કિનારે વસેલા અમદાવાદ શહેરની વિશેષતા પણ ખાસ છે.  અહી ક્લિક કરો