Cannes ઈતિહાસમાં ગુજરાતનો ડંકો ,ગુજરાતી ફિલ્મ અભિનેત્રી કોમલ ઠક્કરે રેડ કાર્પેટ પર વૉક કરી ગુજરાતનું વધાર્યું ગૌરવ
તાજેતરમાં ફ્રાન્સ ખાતે કાન્સ ફિલ્મ ફેસ્ટિવલ યોજાયો હતો. આંતરરાષ્ટ્રીય સ્તરની આ ઇવેન્ટમાં મૂળ કચ્છની ગુજરાતી અભિનેત્રી કોમલ ઠક્કરે (Komal Thacker)ભારતીય સાડી સાથે રેડ કાર્પેટ પર પહોંચીને ગુજરાતીઓનો ડંકો વગાડ્યો હતો.
મૂળ કચ્છની અભિનેત્રી કોમલ ઠક્કરે 2004માં મીસ કચ્છનો ખિતાબ જીત્યો હતો.2011માં કોમલ ઠક્કરે સપોર્ટીંગ એક્ટર તરીકે ગુજરાતી ફિલ્મ “હૈયાના હેત જન્મો જનમના” થી પોતાની કારકિર્દી શરૂ કરી હતી.
1 / 5
ઢોલીવુડની અભિનેત્રી કોમલ ઠક્કરે કાન્સ ફિલ્મ ફેસ્ટિવલમાં રેડ કાર્પેટ વૉક કરી ગુજરાતી ફિલ્મ ઇન્ડસ્ટ્રી અને ગુજરાતનું ગૌરવ વધાર્યું છે. આ સાથે જ કોમલ ઠક્કર કાન્સમાં બોલિવૂડ એભિનેત્રીઓની સાથે વોક કરનારી આ પહેલી ગુજરાતી અભિનેત્રી બની ગઈ છે.
2 / 5
ઉપસ્થિત અનેક લોકોમાં કોમલે વિશેષ આકર્ષણ જમાવ્યું હતુ અને તેમની સાથે સેલ્ફી લેવા માટે લોકોએ રીતસરની પડાપડી કરી હતી.
3 / 5
કોમલ ઠક્કરે ગુજરાતી ફિલ્મ મહીસાગરના સોગંદ, સહિયરની ચૂંદડી, ભડનો દીકરો, રજવાડી બાપુને રંગ છે, રઘુવંશી, મારા ટોડલે બેઠો મોર ક્યાં બોલે, સાવજ સહિત અન્ય ફિલ્મોમાં ખૂબ જ શાનદાર અભિનય કર્યો છે.
4 / 5
ફ્રાન્સમાં 17 મે થી 28 મે સુધી કાન્સ ફિલ્મ ફેસ્ટિવલ યોજાઈ રહ્યો છે. જેમાં દેશ-વિદેશના અનેક જાણીતા અભિનેતા અને અભિનેત્રીઓ પોતાનો જલવો બતાવવા માટે પહોચ્યાં હતા.
