અનંત અંબાણી અને રાધિકા મર્ચન્ટનું પ્રી-વેડિંગ ફંક્શન કોઈ પરીકથાથી ઓછું નહોતું. 1 માર્ચથી 3 માર્ચ, 2024 દરમિયાન ગુજરાતના જામનગરમાં ત્રણ દિવસીય પ્રિ-વેડિંગ ફેસ્ટિવલ યોજાયો હતો અને તેમાં વિશ્વ વિખ્યાત હસ્તીઓએ હાજરી આપી હતી. આ પ્રી-વેડિંગ સેરેમનીમાં અંબાણી પરિવારે જામનગરમાં વિશ્વના દિગ્ગજોનો મેળાવડો યોજ્યો હતો. તેમાં મેટા સીઈઓ માર્ક ઝકરબર્ગ, માઈક્રોસોફ્ટના કો-ફાઉન્ડર બિલ ગેટ્સ અને ઈવાન્કા ટ્રમ્પ જેવી હસ્તીઓએ ભાગ લીધો હતો.અંબાણીએ આ પ્રી-વેડિંગ સેરેમનીમાં મહેમાનોને વર્લ્ડ ક્લાસ શેફ અને લક્ઝરી સુવિધાઓ પૂરી પાડી હતી. રિપોર્ટ્સ અનુસાર, લોકપ્રિય રિહાન્નાએ તેના પરફોર્મન્સ માટે 60-70 કરોડ રૂપિયા ચાર્જ કર્યા હતા. ડેઈલી મેલના અહેવાલ મુજબ, એશિયાના સૌથી અમીર વ્યક્તિ અંબાણીએ લગ્ન પહેલાના તહેવારો પર 120 મિલિયન રૂપિયા (લગભગ 1260 કરોડ રૂપિયા) ખર્ચ્યા હતા. ઘણા અહેવાલો અનુસાર, જુલાઈ 2024માં અનંત અંબાણી અને રાધિકા મર્ચન્ટના લગ્ન ખૂબ જ વૈભવી અને ખર્ચાળ થવાના છે.