આઝાદી પહેલા ભારતનો Passport કંઇક આવો દેખાતો હતો, લોકો કહ્યુ- લખાણ કેટલું સુંદર છે

તાજેતરમાં 1927 બ્રિટિશ ભારતીય પાસપોર્ટનો એક વીડિયો ઇન્સ્ટાગ્રામ પર શેર કરવામાં આવ્યો છે, જે ઝડપથી વાયરલ થઈ રહ્યો છે. એવો દાવો કરવામાં આવ્યો છે કે આ પાસપોર્ટ મુંબઈ (તત્કાલીન બોમ્બે)ના પ્રખ્યાત ડૉ. બાલાભાઈ નાણાવટીનો હતો.

આઝાદી પહેલા ભારતનો Passport કંઇક આવો દેખાતો હતો, લોકો કહ્યુ- લખાણ કેટલું સુંદર છે
Passport
TV9 GUJARATI

| Edited By: Dhinal Chavda

Nov 20, 2022 | 5:50 PM

જો તમે પણ જૂની વસ્તુઓ અને એન્ટિક વસ્તુઓના શોખીન છો અને તેના વિશે જાણવામાં રસ ધરાવો છો, તો ઇન્સ્ટાગ્રામ એકાઉન્ટ તમારી રુચિ વધારશે. ખરેખર, વિંટેજ પાસપોર્ટ કલેક્ટર નામના આ ઇન્સ્ટા એકાઉન્ટ પર જૂના પાસપોર્ટનું જબરદસ્ત કલેક્શન છે. આટલું જ નહીં, યુઝરે તેની સંપૂર્ણ હિસ્ટ્રી પણ જણાવી છે. હાલમાં જ આ એકાઉન્ટ પરથી 1927ના બ્રિટિશ ભારતીય પાસપોર્ટનો એક વીડિયો શેર કરવામાં આવ્યો છે, જે ઝડપથી વાયરલ થઈ રહ્યો છે.

બ્લોગર Passport Guy આ વિડિયો શેર કરીને દાવો કર્યો છે કે આ પાસપોર્ટ મુંબઈના પ્રખ્યાત ડોક્ટર બાલાભાઈ નાણાવટીનો છે, બાદમાં તેમના નામની મુંબઈમાં એક હોસ્પિટલ બની. તેમનો જન્મ 1895માં મુંબઈમાં થયો હતો. પાસપોર્ટના કવર પર ‘બ્રિટિશ ઈન્ડિયન પાસપોર્ટ’ લખેલા શબ્દોની સાથે ‘ઈન્ડિયન એમ્પાયર’ શબ્દ પણ અંકિત છે. કૅપ્શન મુજબ, આ બ્રિટિશ વસાહતી ભારતીય પાસપોર્ટ બોમ્બેમાં 1927માં જાહેર કરવામાં આવ્યો હતો અને તેનો ઉપયોગ 1932 સુધી કરવામાં આવ્યો હતો.

લોકોની પ્રતિક્રિયા

એક યુઝર કહે છે કે, મારા દાદા-દાદી પાસે પણ આવા જ પાસપોર્ટ હતા. અન્ય વપરાશકર્તાએ ટિપ્પણી કરી, આ એક મૂલ્યવાન વિન્ટેજ છે. ડૉ. નાણાવટી એક પ્રખ્યાત અને જાણીતી વ્યક્તિત્વ છે. અન્ય એક યુઝરે કોમેન્ટ કરતા લખ્યું છે કે, પાસપોર્ટની અંદર લખાણ કેટલું અદ્ભુત છે.

પાસપોર્ટ પર ઘણા યુરોપિયન દેશોના વિઝા સ્ટેમ્પ

પાસપોર્ટ પરની સ્ટેમ્પ મુજબ, ડૉ. નાણાવટી 1920ના દાયકામાં યુરોપના વિવિધ દેશોમાં ગયા હતા. ડૉ. નાણાવટી પાસપોર્ટમાં બેલ્જિયમ, ઓસ્ટ્રિયા અને પોલેન્ડ જેવા દેશોના વિઝા સ્ટેમ્પ છે. આ સિવાય વેઇમર રિપબ્લિકની સીલ પણ છે, જે 1918-33 સુધી જર્મનીની સરકાર હતી. દસ્તાવેજ સારી સ્થિતિમાં છે. તેમાં ડો. નાણાવટીનો ફોટો અને સહી પણ છે. 29 ઓક્ટોબરે શેર કરવામાં આવેલી આ ક્લિપને અત્યાર સુધીમાં 21 હજારથી વધુ લાઈક્સ મળી છે, જ્યારે વીડિયોને લગભગ 5 લાખ વખત જોવામાં આવ્યો છે.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati