Fact Check : શું અલ્લુ અર્જુનની પોલીસે ધરપકડ કરી હતી? સાચી હકીકત જાણો
સ્ટાર અલ્લુ અર્જુન હંમેશા તેની ફિલ્મોને લઈને ચર્ચામાં રહે છે. પરંતુ આ વખતે સાઉથ સ્ટારને લઈને સોશિયલ મીડિયા પર એવા સમાચાર વાયરલ થઈ રહ્યા છે કે જેનું સત્ય હવે સામે આવ્યું છે. વાસ્તવમાં સમાચાર આવી રહ્યા હતા કે તેલંગાણા પોલીસે અલ્લુ અર્જુનની ધરપકડ કરી લીધી છે. પરંતુ હવે આ સમાચાર પાછળનું સત્ય સામે આવ્યું છે.
સ્ટાર અલ્લુ અર્જુનના લાખો ચાહકો છે. દર્શકો અલ્લુ અર્જુનની ફિલ્મોની આતુરતાથી રાહ જુએ છે. હાલમાં સુપરસ્ટાર ઇન્ડસ્ટ્રીમાં સૌથી વધુ ડિમાન્ડ ધરાવતા અભિનેતાઓમાંના એક છે. હાલમાં, અલ્લુ તેની આગામી ફિલ્મ પુષ્પા 2 ના શૂટિંગમાં વ્યસ્ત છે. આ ફિલ્મમાં તેની સાથે રશ્મિકા મંદન્ના પણ લીડ રોલમાં જોવા મળશે. સુકુમાર આ ફિલ્મનું નિર્દેશન કરી રહ્યા છે.
તાજેતરમાં, સોશિયલ મીડિયા પર એક સમાચાર વાયરલ થયા હતા કે કેટલાક કારણોસર અલ્લુ અર્જુનની પોલીસે ધરપકડ કરી છે. જો અહેવાલોનું માનીએ તો, સાઉથ સ્ટાર હૈદરાબાદમાં આરટીઓ ઓફિસની મુલાકાત લેતો જોવા મળ્યો હતો. જે બાદ એક તસવીર પણ વાયરલ થવા લાગી હતી. જેણે આ સમાચારોને વધુ બળ આપ્યું. પરંતુ હવે આ સમાચાર પાછળનું સત્ય સામે આવ્યું છે. આ સમાચાર સંપૂર્ણપણે ખોટા છે.
વાસ્તવમાં, વાયરલ થઈ રહેલી તસવીર પાછળનું સત્ય એ છે કે અભિનેતા તેના ઈન્ટરનેશનલ ડ્રાઈવિંગ લાઈસન્સ માટે હૈદરાબાદની આરટીઓ ઓફિસમાં હતો. પ્રાપ્ત માહિતી અનુસાર, અલ્લુ અર્જુન ફિલ્મ પુષ્પાઃ ધ રૂલ માટે સ્પેશિયલ શૂટિંગ પરમિટના કારણે ઇન્ટરનેશનલ ડ્રાઇવિંગ લાયસન્સ લેવા માટે આરટીઓ ઓફિસ પહોંચ્યો હતો. અહેવાલો અનુસાર, નિર્દેશક સુકુમારે ફિલ્મમાં કેટલાક હાઇ-ઓક્ટેન સીન્સ શૂટ કરવાની યોજના બનાવી છે. જેના માટે અભિનેતા પાસે ઇન્ટરનેશનલ ડ્રાઇવિંગ લાયસન્સ હોવું જરૂરી છે. જેથી શૂટિંગ દરમિયાન કોઈ પણ પ્રકારની સમસ્યા ન થાય.
Pushpa star Allu Arjun visits RTO Khairtabad for International Driving Licence #Hyderabad. pic.twitter.com/aIsbt76U70
— Arbaaz The Great (@ArbaazTheGreat1) March 20, 2024
આ માહિતી બાદ એ સ્પષ્ટ થઈ ગયું છે કે સોશિયલ મીડિયા પર અગાઉ જે તસવીરો સામે આવી હતી, તે ઈન્ટરનેશનલ ડ્રાઈવિંગ લાયસન્સ લેવા ગયેલા અભિનેતાની તેલંગાણાના ખૈરતાબાદ સ્થિત આરટીઓ ઓફિસમાંથી લેવામાં આવી હતી. જો કે, ઘણા લોકો હજુ પણ દાવો કરી રહ્યા છે કે અલ્લુ અર્જુનની તેલંગાણા પોલીસે કોઈ અગમ્ય કારણોસર ધરપકડ કરી છે. પરંતુ aઅ ચર્ચા વચ્ચે સાચું કારણ અલગ જ હતું.
Latest News Updates
