Chandrayaan 3 Video : આપણુ ચંદ્રયાન 3,84,400 કિમીનું અંતર કાપી 41 દિવસમાં ચંદ્ર પર પહોંચશે, જુઓ Video
Chandrayaan 3 mission Journey : આજે 14 જુલાઈનો દિવસ ભારત માટે મહત્વનો સાબિત થશે. આજે શ્રી હરિકોટાના સતીશ ધવન સ્પેસ સેન્ટરથી ચંદ્રયાન પૃથ્વીના ઉપગ્રહ ચંદ્ર સુધી પહોંચવા માટે ઉડાન ભરશે. દોઢ મહિના બાદ 23થી 24 ઓગસ્ટ વચ્ચે આ યાદ ચંદ્રની સપાટી પર પહોંચશે. ચાલો જાણીએ તેની સંપૂર્ણ યાત્રા વિશે.
SRIHARIKOTA TO MOON : ઈસરોના 29 ડેપ્યુટી ડાયરેક્ટર અને 55 પ્રોજેક્ટ મેનેજરની વર્ષોની મહેનત બાદ આજે ચંદ્રયાન 3 લોન્ચ થવા જઈ રહ્યું છે. આ ચંદ્રયાન ધરતીથી ચંદ્ર સુધી 3,84,400 કિમીનું અંતર કાપશે. જે દોઢ મહિના એટલે કે 41 દિવસ બાદ ચંદ્ર પર પહોંચશે. પૃથ્વી અને ચંદ્રના લંબગોળકાળ ચક્કર લાગાવ્યા બાદ લેન્ડર ચંદ્રની સપાટી સુધી પહોંચશે. ચાલો જાણીએ ચંદ્રયાન 3નો (Chandrayaan 3) અવકાશી રુટ.
રોવર એ એવું વાહન કે રોબોટ છે જે ગ્રહની સપાટી પર ફરીને અલગ અલગ જગ્યાએથી માહિતી એકઠી કરીને ઓર્બિટરને મોકલે છે. લેન્ડર એક પ્રકારનું કેરિયર હોય છે જેની અંદર રોવર હોય છે. તેની મદદથી રોવરનું ગ્રહની સપાટી પર લેન્ડિંગ કરાવવામાં આવે છે. રોવરને સફળતાપૂર્વક સપાટી પર ઉતારવાનું કામ લેન્ડરનું હોય છે.
ઓર્બિટર, જે ગ્રહ પર રોવર ઉતાર્યુ હોય તે ગ્રહના ચક્કર લગાવે છે. રોવર ગ્રહની સપાટી પરથી માહિતી ગ્રહની કક્ષામાં ફરતા ઓર્બિટરને મોકલે છે. અને ઓર્બિટર તે માહિતી પૃથ્વી પર ઈસરો-નાસા જેવી સ્પેસ સંસ્થાને મોકવાનું કામ કરે છે. ચંદ્રયાન-3માં લેન્ડરનું નામ વિક્રમ રાખવામાં આવ્યું છે. આ નામ ભારતીય અવકાશ કાર્યક્રમના પિતા વિક્રમ સારાભાઈના નામ પરથી આપવામાં આવ્યું છે. રોવરને ‘પ્રજ્ઞાન’ નામ આપવામાં આવ્યું છે. જેને સંસ્કૃતમાં શાણપણ કહેવામાં આવે છે. ચંદ્રયાન-2 સમયે પણ લેન્ડર-રોવરના આ જ નામ હતા.
ધરતીથી ચંદ્ર સુધીની દોઢ મહિનાની સફર
આ પણ વાંચો : ચંદ્રયાન-3ને દક્ષિણ ધ્રુવમાં જ કેમ લેન્ડ કરાવવા માંગે છે ISRO, જાણો જુલાઈ મહિનો કેમ પસંદ કરવામાં આવ્યો ?
ચંદ્રયાન 3નો પૃથ્વી ચંદ્ર સુધીનો અવકાશી માર્ગ
- આજે 14 જુલાઈ, 2023ના બપોરે 2.35 કલાકે ચંદ્રયાન 3, શ્રી હરિકોટાના સતીશ ધવન સ્પેસ સેન્ટરથી લોન્ચ થશે.
- એલવીએમ-3 રોકેટ અવકાશયાનને સેટેલાઈટ ટ્રાન્ઝિસ્ટ ભ્રમણકક્ષામાં લઈ જશે.
- ચંદ્રયાન 3, હજારથી પણ ઓછી સેકેન્ડમાં પૃથ્વીની ભ્રમણ કક્ષામાં હશે.
- આ પ્રક્રિયામાં 5 અર્થ બર્ન થશે. જેની લેન્ડર મોડ્યુલ (LM) અને પ્રપલ્ઝન મોડયુલ (PM) પૃથ્વીના ગુરુત્વાકર્ષણ બળમાંથી બહાર નીકળી જશે.
- ત્યારબાદ પૃથ્વીની ભ્રમણકક્ષામાંથી બહાર નીકળીને ચંદ્રની ભ્રમણકક્ષા તરફ ગતિ કરશે.
- આ તબક્કા બાદ LM અને PM બંને ટ્રાન્ઝિટ ઓર્બિટમાં રહીને પૃથ્વી અને ચંદ્ર વચ્ચે રહેશે.
- આ તબક્કા બાદ ચાર મૂન બર્ન દ્વારા તે ચંદ્રની ભ્રમણકક્ષમાં પ્રવેશ કરશે.
- LM અને PM, 2000 x 1000ની ત્રિજયામાંથી 100 x 100 ની ત્રિજયામાં ધીમે ધીમે આવશે.
- 17 ઓગસ્ટના દિવસે LM અને PM છૂટા પડશે અને વિક્રમ લેન્ડર ચંદ્રની સપાટી તરફ આગળ વધશે.
- 23 ઓગસ્ટે લેન્ડર મોડયુલ 100 x 30 કિલોમરીટની ભ્રમણકક્ષામાં ફરીને લેન્ડિંગ તરફ આગળ વધશે.
- 30 કિલોમીટરની ઊંચાઈથી 7.4 કિલોમીટર સુધી 1.68 કિલોમીટર પ્રતિ કલાકની ગતિથી તે 690 સેકેન્ડમાં ચંદ્રની સપાટી પર આવશે.
- લેન્ડરની મદદથી રોવર ચંદ્રની સપાટી પર ઉતરશે.
- ચંદ્રયાન-3 ઓર્બિટર વગરનું યાન હશે, રોવરની માહિતી ઈસરો સુધી પહોંચાડવા માટે ચંદ્રયાન 2ના પહેલાથી જ કક્ષામાં ફરતા ઓર્બિટરનો ઉપયોગ થશે.
- રોવર ચંદ્રની સપાટી પરથી જરુરી માહિતી ઈસરો સુધી પહોંચાડશે.
આ પણ વાંચો : વિશાળકાળ ચંદ્રયાન પ્રોજેક્ટ માટે વપરાયા છે કરોડો રુપિયા, જાણો ચંદ્રયાન-1, ચંદ્રયાન-2 અને ચંદ્રયાન-3ની ખાસિયતો
ટેક્નોલોજીના તમામ સમાચાર વાંચવા માટે અહીં ક્લિક કરો
