ખો-ખો વિશ્વકપમાં ઝળકી ડાંગની દીકરી, ઓપીના ભીલારે વધાર્યુ દેશ અને ગુજરાતનું ગૌરવ- Video

ખો-ખો વિશ્વકપ 2025માં ડાંગના ખેડૂતની દીકરીએ ગુજરાતનું નામ રોશન કર્યુ છે. ભારતીય મહિલા ખો-ખો ટીમે પ્રથમ વર્લ્ડ કપમાં ઐતિહાસિક સફળતા હાંસલ કરી છે. જેમાં ગુજરાતના અંતરિયાળ વિસ્તાર એવા ડાંગ જિલ્લાના બિલિઆંબા ગામની દીકરી ઓપીના ભિલારે મહત્વપૂર્ણ ભૂમિકા ભજવી… ભારતની ટીમમાં રમીને દેશ માટે વર્લ્ડ કપ જીતવામાં મહત્વનું યોગદાન આપ્યું. જેને લઈ ઓપીનાના પરિવાર સહિત સમગ્ર ડાંગમાં ખુશીનો માહોલ છે.

ઓપીનાના અભ્યાસની વાત કરી એ તો ધોરણ 8 સુધી ગામમાં જ અભ્યાસ કર્યો. જે બાદ તે ઉચ્ચ અભ્યાસ માટે સ્પોર્ટ્સ ઓથોરિટી ઓફ ગુજરાત દ્વારા સંચાલિત ‘ડિસ્ટ્રિક્ટ લેવલ સ્પોર્ટસ સ્કૂલ યોજના’ હેઠળ ખો-ખોની તાલીમ મેળવી હતી. જોકે હવે તે ઓલિમ્પિકસ’ માં આગળ વધે તેવી પરિવારે ઈચ્છા દર્શાવી છે.

ગુજરાતના તમામ જિલ્લાના સમાચાર વાંચવા માટે અહીં ક્લિક કરો