International Women’s Day : કચ્છમાં મહિલા સંત સંમેલનને સંબોધતા પીએમ મોદીએ કહ્યુ, દીકરો- દિકરી એક સમાન, તેથી લગ્નની ઉંમર પણ સમાન
વડાપ્રધાન નરેન્દ્ર મોદીએ મહિલા દિવસની શુભેચ્છા પાઠવી હતી. પીએમ મોદીએ કચ્છના મહિલા સંત શિબિરમાં આયોજિત સેમિનારને વીડિયો કોન્ફરન્સ દ્વારા સંબોધિત કર્યું હતું.
વડાપ્રધાન નરેન્દ્ર મોદીએ (Narendra Modi) મંગળવારે આંતરરાષ્ટ્રીય મહિલા દિવસ (International Women’s Day) નિમિત્તે કચ્છના ધોરડો ખાતે મહિલા સંત શિબિરને વીડિયો કોન્ફરન્સ દ્વારા સંબોધિત કર્યો હતો. મહિલા સંતોની ભૂમિકા અને મહિલા સશક્તિકરણમાં તેમના યોગદાનને ઓળખવા માટે આ સેમિનારનું આયોજન કરવામાં આવ્યું હતું. આ સેમિનારમાં 500 થી વધુ મહિલા સંતોએ ભાગ લીધો હતો.
વડાપ્રધાન નરેન્દ્ર મોદીએ મહિલા દિવસની શુભેચ્છા પાઠવી હતી. પીએમ મોદીએ કહ્યું, હું દેશની તમામ મહિલાઓને આંતરરાષ્ટ્રીય મહિલા દિવસની ખૂબ ખૂબ શુભેચ્છા પાઠવું છું. આ અવસર પર દેશની મહિલા સંતો અને સાધ્વીઓ દ્વારા આ નવતર કાર્યક્રમનું આયોજન કરવામાં આવ્યું છે. હું તમને બધાને અભિનંદન આપું છું. કચ્છની મહિલાઓએ પણ પોતાની અથાક મહેનતથી કચ્છની સભ્યતા અને સંસ્કૃતિને જીવંત રાખી છે. કચ્છના રંગો, ખાસ કરીને અહીંની હસ્તકલા, તેનું ઉત્તમ ઉદાહરણ છે. આ કળા અને આ કૌશલ્ય હવે સમગ્ર વિશ્વમાં પોતાની આગવી ઓળખ બનાવી રહ્યા છે.
દૈવી શક્તિમાં પણ સ્ત્રી શક્તિ પ્રથમ છે
વડાપ્રધાને કહ્યું કે, “કચ્છની ધરતી, જ્યાં તમે પધાર્યા છો, તે સદીઓથી સ્ત્રી શક્તિ અને સામર્થ્યનું પ્રતિક છે. અહીં માતા આશાપુરા સ્વયં માતા શક્તિના રૂપમાં બિરાજે છે. અહીંની મહિલાઓએ સમગ્ર સમાજને કઠોર કુદરતી પડકારો સાથે જીવવાનું, લડવાનું અને જીતવાનું શીખવ્યું છે. સ્ત્રી એ નીતિ, વફાદારી, નિર્ણય શક્તિ અને નેતૃત્વનું પ્રતિબિંબ છે. તેથી આપણા વેદોએ, આપણી પરંપરાએ આહવાન આપ્યું છે કે સ્ત્રીઓ સક્ષમ હોય, સમર્થ હોય અને રાષ્ટ્રને દિશા આપે. આપણે સ્ત્રીના રૂપમાં દિવ્ય શક્તિની પ્રસન્નતાપૂર્વક સ્થાપના કરી છે. જ્યારે આપણે સ્ત્રી અને પુરુષમાં દૈવી શક્તિ જોઈએ છીએ, ત્યારે સ્વભાવે આપણે સ્ત્રીની શક્તિને પ્રથમ પ્રાધાન્ય આપીએ છીએ. સીતા-રામ હોય, રાધા-કૃષ્ણ હોય, ગૌરી-ગણેશ હોય કે લક્ષ્મી-નારાયણ હોય.
પીએમ મોદીએ કહ્યું, “આ દેશમાં ભાગ્યે જ એવું કોઈ ગામ હશે કે પછી ભાગ્યે જ કોઈ એવો વિસ્તાર હશે, કે જ્યા કોઈ નગર કે ગ્રામ દેવી, કુળ દેવી ના હોય. આ દેવીઓ આ દેશની નારી ચેતનાનું પ્રતિક છે, જેણે અનાદિ કાળથી આપણા સમાજનું નિર્માણ કર્યું છે. અમે સમગ્ર દેશમાં સ્વચ્છ ભારત મિશન હેઠળ 11 કરોડથી વધુ શૌચાલય બનાવ્યા છે. મહિલાઓને ધુમાડાથી મુક્ત કરવા માટે દેશે 9 કરોડથી વધુ ઉજ્જવલા ગેસ કનેક્શન આપ્યા છે.
મુદ્રા યોજનામાં મહિલાઓને 70 ટકા લોન
પીએમ મોદીએ કહ્યું, “આજે મહિલાઓ ગામડાઓમાં સ્વ-સહાય જૂથો બનાવીને નાના ઉદ્યોગો દ્વારા ગ્રામીણ અર્થવ્યવસ્થાને વેગ આપી રહી છે. મહિલાઓમાં કૌશલ્યની કોઈ કમી નથી, હવે આ જ કૌશલ્ય તેમની અને તેમના પરિવારની તાકાત વધારી રહી છે. ‘સ્ટેન્ડઅપ ઈન્ડિયા’ હેઠળ 80 ટકાથી વધુ લોન મહિલાઓના નામે છે. મુદ્રા યોજના હેઠળ લગભગ 70 ટકા લોન અમારી બહેનો અને દીકરીઓને આપવામાં આવી છે.
આ પણ વાંચોઃ
Kutch: મહિલા દિને વિશેષ કાર્યક્રમ, સાધ્વી સંમેલનને વડાપ્રધાને સંબોધ્યું, ભુજમાં પણ મહિલાઓનું સન્માન
આ પણ વાંચોઃ
UP Election: અખિલેશ યાદવે એક્ઝિટ પોલ અને EVM પર ઉઠાવ્યા સવાલ, કહ્યું- આ લોકશાહીની છેલ્લી ચૂંટણી છે, મશીનો સાથે છેડછાડ થઈ રહી છે
