Railway Luggage Rule: ટ્રેનમાં આટલા કિલોથી વધુ વજન ન લઈ જશો, નહીં તો સામાન ટ્રેનની ટિકિટ કરતાં ભારે પડશે

શું તમે જાણો છો કે વિમાનમાં મુસાફરી કરતી વખતે તમે તમારી સાથે મર્યાદિત સામાન જ લઈ શકો છો. એ જ રીતે ટ્રેનમાં મુસાફરી કરતી વખતે પણ આ નિયમ લાગુ પડે છે. ઘણા લોકો તેના વિશે જાણતા નથી અને જેઓ જાણે છે તેઓ પણ તેના પર ધ્યાન આપતા નથી. જો કે, રેલ્વે સમયાંતરે લોકોને જાણ કરતી રહે છે કે તેઓએ ટ્રેનમાં વધુ સામાન સાથે મુસાફરી ન કરવી જોઈએ. જો કોઈની પાસે વધુ સામાન હોય, તો તે લગેજ વાનનો ઉપયોગ કરી શકે છે, જેના માટે તેણે અલગથી ચૂકવણી કરવી પડશે.

50 કિલો સુધીના સામાન સાથે મુસાફરી કરી શકો છો

જો તમને ખબર નથી, તો અમે તમને જણાવી દઈએ કે, તમે ટ્રેનમાં તમારી સાથે મહત્તમ સામાન લઈ શકો છો. તમે તમારી સાથે 40 કિલોથી 70 કિલો સુધીનો સામાન લઈ શકો છો. જો તમે સ્લીપરમાં મુસાફરી કરી રહ્યા છો તો તમે એક ટિકિટ પર 40 કિલો સુધીના સામાન સાથે મુસાફરી કરી શકો છો. એ જ રીતે, AC-2 અને 3માં તમે 50 કિલો સુધીના સામાન સાથે મુસાફરી કરી શકો છો. જો તમે AC-1માં મુસાફરી કરી રહ્યા છો, તો તમને 70 કિલો સુધીના સામાન સાથે મુસાફરી કરવાની છૂટ છે.

આ પણ વાંચો :IRCTC Tour Package: જયપુર, જેસલમેર અને જોધપુરમાં પરિવાર સાથે માણો મજા, IRCTC, લાવ્યું ખાસ ટૂર પેકેજ

દંડની જોગવાઈ

જો કોઈ મુસાફર આનાથી વધુ સામાન સાથે મુસાફરી કરતો જોવા મળે તો તેને દંડ ભરવો પડી શકે છે. જો કોઈ પેસેન્જર દરેક વર્ગ માટે માન્ય વજન કરતા વધારે સામાન સાથે જોવા મળે છે, તો તેની પાસેથી લગેજ વાનના ભાડા કરતાં 1.5 ગણો વધુ વસૂલવામાં આવશે. એટલે કે હવે પેસેન્જરે લગેજ વાનમાં તે સામાન લઈ જવા માટે જે ભાડું ચૂકવ્યું હશે તેના કરતાં 1.5 ગણું વધુ ભાડું ચૂકવવું પડશે. તમારે સામાન માટે કેટલી રકમ ચૂકવવી પડે છે તે સામાનના વજન અને તમારે મુસાફરી કરવાના અંતર પર આધારિત છે.

ક્યારેક તમે દર્દી સાથે ટ્રેનમાં પણ મુસાફરી કરો છો. આવી સ્થિતિમાં, તેમને જરૂરી સામાનને લઈને રેલવેના અલગ-અલગ નિયમો છે, જેના હેઠળ દર્દીઓ ડૉક્ટરની સલાહ પર ઓક્સિજન સિલિન્ડર લઈ શકે છે અને તેમની સાથે સ્ટેન્ડ પણ લઈ જઈ શકો છો.